Qalalyq Investısııalar jáne kásipkerlikti damytý basqarmasy basshysynyń orynbasary Qýanysh Saparov elordalyq kásipkerlerge kórsetilip jatqany qoldaý sharalary týraly tarqatyp aıtyp berdi.
Búginde Astanada 209 myńǵa jýyq ShOB sýbektisi jumys isteıdi, onda 458 myń adam eńbek etedi, bul qalanyń ekonomıkalyq belsendi turǵyndarynyń 71%-yn quraıdy.
2022 jyldyń aldyn ala qorytyndysy boıynsha elordanyń JО́О́ qurylymyndaǵy ShOB úlesi 75%-dy qurady. Elorda áli de osy kórsetkish boıynsha kóshbasshyly bolyp otyr.
Spıkerdiń aıtýynsha, osy jáne basqa da kórsetkishterge qol jetkizýge 2021-2025 jyldarǵa arnalǵan kásipkerlikti damytý jónindegi ulttyq joba aıasynda qabyldanyp jatqan sharalar aıtarlyqtaı yqpal etti.
Osylaısha, bıznesti qoldaý maqsatynda elordada nesıeler boıynsha syıaqy mólsherlemelerin sýbsıdııalaý júrgiziledi. Atalǵan tetik boıynsha 2022 jyly kásipkerlerdiń jobalaryn qoldaýǵa 19,5 mlrd teńge bólindi. 2022 jyly 102,2 mlrd teńge somasy boıynsha 1 715 sýbsıdııalaý shartyna qol qoıyldy.
Nesıelerge ishinara kepildik berý de júzege asyrylady. О́tken jyly kásipkerlerdiń 1 526 kredıtine kepildik berildi.
Sonymen qatar, jańa bıznes-ıdeıalardy iske asyrý úshin shaǵyn bıznes sýbektilerine konkýrstyq negizde 5 mln teńgege deıin granttar beriledi.
«2022 jyly ótinimderdi qabyldaý 1-15 sáýir aralyǵynda ótti. Máselen, 1,8 myńnan astam ótinim kelip tústi, bul 2021 jylmen salystyrǵanda 5,4 ese kóp (335 ótinim). Tyńdaý qorytyndysy boıynsha 135 kásipkerdiń jobasy maquldandy, onyń ishinde halyqtyń áleýmettik osal toptarynan 29 kásipker jáne 28 jas kásipker bar», dep túsindirdi Qýanysh Saparov.
Qoldaýdyń taǵy bir tetigi – ekonomıkanyń basym salalarynda ShOB obektisiniń aýmaǵyna jetispeıtin ınfraqurylymdy jetkizý. Bıyl osy baǵytta 1,9 mlrd teńge somasyna jetispeıtin ınfraqurylymdy júrgizý boıynsha 3 jobaǵa qoldaý kórsetildi.
Sondaı-aq ShOB-ty, onyń ishinde basym emes salalarda (saýda, qyzmet kórsetý, qoǵamdyq tamaqtandyrý) jumys isteıtinderdi memlekettik qoldaýmen barynsha qamtý úshin ákimdik «Damý» Qorymen birlesip «Astana Bıznes 2» jergilikti jeńildikti kredıtteý baǵdarlamasyn iske asyrýda.
«Bıyl atalǵan baǵdarlamaǵa barlyǵy 1,5 mlrd teńge qarastyrylǵan. Búgingi tańda 489 mln teńge somasyna kásipkerlerdiń 9 jobasy maquldandy. Sondaı-aq turaqty negizde kásipkerlermen kezdesýler ótkizemiz. Kezdesý barysynda kásipkerlerdi tolǵandyratyn ózekti jáne túıtkildi máseleler talqylandy», dep qorytyndylady basqarma basshysynyń orynbasary.
