Saılaýdyń negizgi kezeńderimen tanysty

Nurlan Ábdirov TMD PAA baıqaý­shy­laryn jańartylǵan zańnama boıynsha júrgiziletin Qazaqstan Respýblıkasy Parlamenti Májilisi­niń depýtattaryn saılaý jónindegi aǵymdaǵy saılaý naýqanynyń negiz­gi kezeńderimen tanystyrdy. Son­daı-aq komıssııa tóraǵasy kezdesýge qatysýshylardy partııalyq tizimderdi tirkeý qorytyndylary, jerebe tartýdyń nátıjeleri, sondaı-aq Májilis depýtattyǵyna birman­dattyq aýmaqtyq saılaý okrýgteri boıynsha saılanatyn kandıdattardy tirkeý qorytyndylary týraly habardar etti.

О́z kezeginde TMD PAA delega­sııasy­­nyń basshysy Dmıtrıı Kobıs­kıı kez­desýdi uıymdastyrǵany úshin alǵy­syn bildirip, qazirgi ýaqytta Assamb­leıanyń baıqaýshylar tobyn qalyptastyrý jalǵasyp jatqanyn atap ótti. Topqa kemin­de 50 adam, onyń ishinde TMD-ǵa qatysýshy memleket­ter parlamentteriniń depýtat­tary, TMD PAA keńesi hatshy­lyǵynyń qyzmetkerleri jáne saılaý úderisi salasynda kásibı bilimi bar sarapshylar kiredi dep josparlanyp otyr.

Ol sondaı-aq TMD PAA baıqaý­­shylar tobynyń úılestirý­shisi bolyp Armenııa Respýblıkasy Ulttyq Jına­lysynyń О́ńirlik máseleler jáne eýrazııalyq ıntegrasııa máseleleri jónin­degi turaqty komıssııasy tór­aǵa­synyń orynbasary, Armenııa-Qazaq­stan parlamenttik dostyq toby­nyń jetekshisi Vagarshak Akobıan taǵaıyndalǵanyn habarlady.

Delegasııa basshysy Assam­bleıadan halyqaralyq baıqaýshylar toby Qazaq­stan Respýblıkasy Parlamenti Má­jilisi depýtattarynyń kezekten tys saılaýyna daıyndyq pen ótkizý monıtorıngin saıası beıtaraptyq, alalamaýshylyq, ashyqtyq jáne saılaý úderisine aralaspaý qaǵıdattaryna súıene otyryp, júzege asyratynyna sendirdi.

Sondaı-aq TMD PAA ókilderi buqaralyq aqparat quraldarynda saılaý naý­qanyn jarııa etý monı­to­rıngi, saılaýdy qarjylan­dy­rý, elektoral­dyq oqytý jáne saılaý naýqanyna qatysý­shylardyń teń quqyǵyn qam­tamasyz etý máselelerimen tanysty.

Ortalyq saılaý komıs­sııasynyń músheleri qoıylǵan barlyq suraq­tar­ǵa jan-jaqty jaýap berdi. Jıyn sońynda Nurlan Ábdirov delegasııa­ǵa Qazaqstandaǵy saılaýdy halyqaralyq baı­qaýǵa turaqty qatysatyny úshin alǵys aıtyp, TMD PAA baıqaýshylar tobynyń tolyqqandy jáne tıimdi ju­mysy úshin barlyq qajetti jaǵdaı jasalatynyn atap ótti.

Esterińizge sala keteıik, búgingi tańda 11 memleketten jáne 3 halyq­ara­lyq uıymnan 97 halyqaralyq baı­qaýshy akkredıttelgen.