Aılakerler apany ańqaýlardy tartady

Endi joǵarydaǵy sandy jipke tizip kóreıik. О́ńir or­ta­lyǵy Taldyqorǵan qala­syn­da 31, Tekeli qalasynda 1, Kóksý aýdanynda 1 jaǵdaı tirkelgen. Kóbinde bul qylmystyń túri uıaly telefondardy qoldaný ar­qyly jasalǵan. Alaıaqtar bank­tik aqparatqa qol jetkizý úshin azamat­tardyń qajetti jeke má­li­­metin alýdyń túrli tásilin qoldanyp, qaqpanǵa túsiredi. Máse­len, Taldyqorǵan qalalyq polısııa basqarmasy F. esimdi azamattyń aryzy boıynsha tergep-tekserý júrgizý ústinde. Belgisiz bireýler onyń atynan onlaın nesıe rásimdep, qarajat jym­qyr­ǵany anyqtalǵan. Kishi ádilet keńes­shi­si Jaıyq Muqanov­tyń aıtýynsha, alaıaq­tar adamdardy kóbine nesıe rásimdelgeni týraly jańy­lys­ty­rady.

«Olar birden bank kartasy boıynsha málimetterdi, kartochka nómirin, bank kartasynyń artqy jaǵynda ornalasqan «CV» kodyn habarlaýdy suraıdy. Ol az deseńiz, «WhatsApp» messendjeri arqyly qońyraýlardy paıdalanady. О́ıtkeni «WhatsApp» qońy­raý­lardy baqylaý qıyn, alaıaqtar el ishinde de, odan tys jerlerde de bolýy múmkin. Sony­men qatar ınternet-alaıaqtyq «Kolesa», «Krysha», «OLX» ınternet saıt­taryn paıdalaný arqyly da jasalady. «Bir aıta keterligi, osyndaı epızodtarǵa uqsas qyl­mys­tyq isterdi elimizdiń barlyq aımaǵynan keziktirýge bolady. Internet-alaıaqtyq qazirgi qo­ǵam­nyń eń ózekti ári mańyzdy máse­lesine aınaldy», deıdi J.Muqanov.

Taǵy bir aıta keterlik jaıt, «Instagram», «Telegram», «Face­book», «VKontakte» sekildi el ishin­de bedelge ıe áleýmettik je­li­ler arqyly múlikti satý týra­ly habarlandyrýdy jarııa­laý kezinde de abaı bolǵan du­rys. Olar qymbat zattardyń óte tómen qunyn paıdalanady. Osy­laısha, satyp alýshylardy ózine tartady eken.

Aıtpaqshy, Jetisýda alaıaq­tyq­­tan bólek, aýdıtorlyq tek­se­risten keıin anyqtalǵan qar­jy qylmystary da kóbeıgen. Bul baǵyttaǵy tártip buzýshy­lyq­­tardyń jalpy somasy 2 138 275,5 myń teńgeni qurap otyr. Onyń ishindegi 758 028,5 myń teńge qarjylyq bolsa, 1 380 247,0 myń teńge rásimdik sıpattaǵy buzýshylyqtarǵa jatady. Jalpy, óńirde aýdıtpen qamtylǵan qa­ra­jat kólemi 2 535 973,3 myń teńge, onyń ishinde ba­qylaýmen qamtylǵan mem­le­ket­tik satyp alý somasy 526 727 myń teńge.

«Jetisý oblystyq ishki mem­le­kettik aýdıt depar­ta­menti byltyr komıtet tapsyrmalarynyń ne­gi­zin­de quqyq qorǵaý organdarynan jiberilgen shaǵymdar men ótinishterge, sondaı-aq jeke jáne zańdy tulǵalardyń ótinishteri boıynsha jospardan tys 18 aýdıtorlyq is-shara júrgizip, bir­qatar kemshilikti anyqtady», deıdi oblystyq ishki memlekettik aýdıt depar­ta­men­ti­niń bólim basshysy Jaılaý Shaımerdenov.

Esepti kezeńde anyqtalǵan zań­syzdyqtardy joıý jáne olar­ǵa jol bergen jaýapty tul­ǵa­­lar­dy tekserý maqsatynda aýdıt­ nysandaryna 17 nusqama jibe­rilip, 2 laýazymdy tulǵa tár­tiptik jaýapkershilikke tar­tylǵan. Sondaı-aq departament mamandary aýdıtorlyq is-shara­lar­dyń nátıjesi boıynsha 14 laýazymdy tulǵaǵa ákimshilik jaza retinde 1056,3 myń teńge aıyppul salǵan. Búginde qarjy tolyq kólemde óndirilgen. Odan bólek 2 aýdıtorlyq is-sharanyń qorytyndy materıaldary qu­qyq qorǵaý organdarynyń qaraýyna berilgen. Departament «Mem­le­kettik aýdıt jáne qarjylyq baqy­laý týraly» zańnyń 30-babyna sáıkes oblystaǵy uıym­dastyrýshylar, tapsyrys berý­shi­ler ótkizetin memlekettik sa­typ alýlarǵa turaqty negizde ka­meralyq baqylaý júrgizedi. Máselen, byltyr jalpy somasy 31,1 mıllıard teńgeden astam mem­lekettik satyp alýdyń 3 229 loty kameralyq baqylaýmen qamtylǵan. Onyń qorytyndysy boıynsha 804 lotta 6,8 mıl­lıard teńgeniń zań buzýshylyǵy anyq­ta­lyp, ony joıý týraly 804 habarlama jiberilgen.

Jetisý oblysy