Is-shara barysynda joǵary bilim jáne ǵylym salasyndaǵy eki jaqty qatynastarǵa qatysty birqatar mańyzdy máseleler talqylandy. Mınıstr Elshige aqpan aıynyń basynda ótken 9-shy Ulybrıtanııa-Qazaqstan «Joǵary bilim salasyndaǵy memleketter yntymaqtastyǵy arqyly memleketaralyq baılanystardy nyǵaıtý» úkimetaralyq komıssııasynyń jumys qorytyndylary jaıly aıtty. Sondaı-aq meımanǵa Prezıdent Qasym-Jomart Toqaev bekitken mınıstrliktiń negizgi basymdyqtaryn atady.
«Memleket basshysy ǵylym jáne joǵary bilim mınıstrliginiń aldyna eldegi ǵylymdy, onyń ishinde ýnıversıtettik ǵylymdy damytý boıynsha mindetter qoıdy. Osy maqsatta QR Úkimeti yntymaqtastyq geografııasyn keńeıtý úshin jaǵdaı jasaýda. Qazirgi ýaqytta Q. Jubanov atyndaǵy Aqtóbe óńirlik ýnıversıtetiniń bazasynda Heriot-Watt ýnıversıtetin ashý jumystary júrgizilýde», dedi Saıasat Nurbek.
Kezdesý sońynda taraptar Ulybrıtanııada «Bolashaq» halyqaralyq stıpendııasyn iske asyrýdy talqylap, eki eldiń joǵary bilim jáne ǵylym salasyndaǵy yntymaqtastyǵyn keńeıtý múmkindigin qarastyrýǵa kelisti.
