Ásirese, jasóspirimder arasynda býllıngke ushyraý qaýpi joǵary: balalardyń úshten biri qorlyqqa ushyraıdy. Dúnıejúzinde 13-15 jas aralyǵyndaǵy árbir úshinshi oqýshy mektepte osyndaı qýdalaýǵa tap bolady. Al Qazaqstanda jas ınternet qoldanýshylardyń kıberbýllıngke beıimdiligi QR Densaýlyq saqtaý mınıstrliginiń Ulttyq Qoǵamdyq densaýlyq saqtaý ortalyǵynyń zertteýine sáıkes, keıingi 4 jylda 1%-ǵa paıyzǵa ósken.
Osy másele oraı, qysqa beınerolıkterdi kórý men jasaýǵa arnalǵan TikTok jetekshi platformasy IýNISEF-pen birge jáne QR Bilim mınıstrligi Balalardyń quqyqtaryn qorǵaý komıtetiniń qoldaýymen byltyr iske qosylǵan ári Qazaqstanda qoldanýshylardyń sıfrly saýatyn arttyrýǵa baǵyttalǵan «Qaýipsizdik akademııasy» naýqanyn jalǵastyratyn boldy. Aýqymdy naýqannyń ekinshi kezeńi onlaın-keńistiktegi býllıng problemasyna arnalǵan.
Joba aıasynda IýNISEF pen QR Oqý-aǵartý mınıstrliginiń Balalar quqyqtaryn qorǵaý komıtetiniń tanymal sarapshylary – Sanjar Mádı, Shárip Serik, Nurlan Batyrov, Ǵaını Kel pen Mıtıa Baınazarov onlaın-qýdalaý taqyrybyna baılanysty mańyzdy máselelerdi talqylaıtyn tikeleı efırler serııasyn ótkizip, bul qandaı qubylys, ol nege paıda bolady jáne ony qalaı tanımyz, kıberbýllıngten qorǵaýdyń qandaı ádisteri bar degen saýaldarǵa jaýap bermek.
Sonymen qatar TikTok-taǵy tanymal kontent avtorlary ınternettegi qorlaýdan qalaı qorǵanýǵa bolatyny týraly jeke oqıǵalaryn, bilimi men keńesterin bólisetin tanymdyq vıdeolar ázirlegen.
Sonymen #PozıtıvSyıla (#DarıPozıtıv) dep atalatyn joba ǵalamtorda meıirimdi de saý ahýal qalyptastyrýǵa, sondaı-aq barlyq jastaǵy TikTok qoldanýshylaryn psıhologııalyq qysymnan, dóreki pikirlerden jáne basqa da onlaın qýdalaý kórinisterinen qorǵaýǵa úıretýge arnalǵan.
Aldymen 27 aqpannan bastap platformada psıhologııa, quqyq jáne balalar qaýipsizdigi salasyndaǵy jetekshi sarapshylarmen kıberbýllıng taqyrybynda tikeleı efırler ótedi, al moderatorlar mádenıet jáne kıno salasyndaǵy tanymal qaıratkerler, olardyń arasynda akterler Sanjar Mádı men Shárip Serik, ınflıýenser Nurlan Batyrov, mýzykalyq oryndaýshy Ǵaını Kel, sonymen qatar, shoýmen ári TikTok-ta tanymdyq vıdeolar avtory Mıtıa Baınazarov bar.
27 aqpanda saǵat 18:00-de – «Just Support» qorynyń atqarýshy dırektory, psıhologııa magıstri jáne otbasylyq psıholog Svetlana Bogatyreva, qoldanýshylardyń ózin jáne jaqyndaryn osy problemadan qalaı qorǵaı alatyny týraly baıandaıdy;
28 aqpanda saǵat 12:00-de - IýNISEF-tiń «Be Kind» eriktiler baǵdarlamasynyń jattyqtyrýshysy, psıholog jáne art-terapevt Vladımır Aleksanın, jalpy kıberbýllıng máselesi týraly áńgimelep, ony qalaı tanýǵa bolatyny týraly keńesterin bólisedi;
1 naýryzda saǵat 12:00-de – balalar qaýipsizdigi boıynsha jattyqtyrýshy, «Angel» balalar qaýipsizdigi ortalyǵynyń jetekshisi Zarına Jumaǵulova jasóspirimder ortasynda onlaın-býllıngke qatysty máselelerdi talqylaıdy;
2 naýryzda saǵat 12:00-de – Halıda Ájiǵulova, zań ǵylymdarynyń doktory, qýdalaý men kıberbýllıngten qorǵaý boıynsha jattyqtyrýshy, balalar quqyǵyn qorǵaý jónindegi quqyqqorǵaýshy jasóspirimdermen keńesterin bólisedi jáne jelide qorqytýdyń aldyn alýǵa kómektesetin praktıkalyq quraldar týraly áńgimeleıdi.
6 naýryzda saǵat 14:00-de – «Nazarbaev Zııatkerlik mektepteri» DBBU psıholog-pedagogteri Aıda Esirgepova men Janna Arynbaeva jasóspirimder arasyndaǵy mektepterdegi kıberbýllıng jáne osy baǵytta júrgizip jatqan profılaktıkalyq jumystar týraly áńgimeleıdi.
Jobaǵa arnap ataqty adamdar men tanymal TikTok kreatorlary qoldanýshylarǵa qorlaý men qajetsiz qarym-qatynastan qorǵaýǵa kómektesetin platforma quraldary týraly vıdeolar túsirip otyr.
