«Qurmetti qazaqstandyqtar, men jasaǵan isim úshin keshirim suraımyn. Men erejelerdi buzdym, qatelik jasadym. О́z emosııamdy ustaı almadym. Serik Sápıev - halqymyzdyń maqtanyshy. Oılanbaı istegen áreketim úshin meni keshirińiz. Endi qaıtalanbaıdy», dedi Z. Mýsıhanov.
Áleýmettik jelide jarııalanǵan vıdeoda sportshynyń jattyqtyrýshysy da keshirim suraǵan.
«Qurmetti qazaqstandyqtar, keshe meniń oqýshym oılanbaı áreket jasady. Men de emosııaǵa boı aldyryp, artyq sóılep qoıdym. Menen qate ketti, sondyqtan shákirtim ekeýmiz jasaǵan barlyq áreketimiz úshin keshirim suraımyz. Biz batyrymyzǵa, Olımpıada chempıonyna, barlyq sportshylarǵa jáne Serik aǵaǵa sport, qoǵam qaıratkeri retinde qurmetpen qaraımyz. Bizdiń is-áreketimiz eshbir jaǵdaıda chempıonnyń bedelin túsirmeýi kerek. Biz jaǵdaıdyń osylaı bolaryn qalamadyq. Bárine kinálimiz. Bizdi keshirińiz», dedi Golsman.
Eske sala keteıik, buǵan deıin Serik Sápıev Almatyda ótken Naiza 49 týrnırinde jekpe-jekten keıin balýanmen janjaldasyp qalǵanyn habarlaǵan edik. Keıinirek atalǵan oqıǵaǵa qatysty balýannyń jattyqtyrýshysy Aleksandr Golsman túsinikteme bergen bolatyn.
