Is-sharaǵa Aqparat jáne qoǵamdyq damý mınıstri Darhan Qydyráli, QR Parlamenti Senatynyń depýtattary, QR Memlekettik qyzmet isteri agenttiginiń, Astana qalasy ákimdiginiń, Halyqaralyq jáne sheteldik uıymdardyń, sondaı-aq úkimettik emes uıymdardyń ókilderi qatysty.
«Kez kelgen memlekettiń tiregi – azamattyq qoǵam. Úkimettik emes uıym ókilderi halyq pen bılik arasyndaǵy baılanysty nyǵaıtyp, qoǵamdyq dıalogtyń qalyptasýyna yqpal etedi. Qazirgi ýaqytta elimizde 22 myńnan astam ÚEU tirkelgen, onyń 17 myńynan astamy belsendi jumys isteıdi. Memleket jyl saıyn 2 myń áleýmettik mańyzy bar jobany ÚEU-men ózara baılanys arqyly iske asyryp keledi. Júrgizilgen jumys nátıjesinde, 2022 jyly 500-den astam jumys orny quryldy, 32 myńnan astam benefısıar naqty kómek aldy, onyń ishinde 3 000 erekshe qajettiligi bar, 60-tan astam áleýmettik qyzmetter men ortalyqtar quryldy», dedi mınıstr Darhan Qydyráli.
Azamattyq qoǵam ınstıtýttaryn damytý úshin mınıstrlik júıeli keshendi jumystar júrgizip jatyr.
Máselen, 2022 jyly 4 shildede volonterlikti jáne qaıyrymdylyqty damytý máseleleri jóninde zań qabyldandy.
«Osydan biraz ýaqyt buryn Qoǵamdyq keńester máselesi boıynsha zańnamaǵa túzetýler engizildi. Osylaısha olardyń qyzmet aıasyn kvazımemlekettik sektorǵa deıin keńeıtýge múmkindik berildi. Qoǵamdyq keńesterdegi azamattyq sektordyń úlesi 23,5%-ǵa artyp, qazirgi ýaqytta 86%-dy qurady. Qoǵamdyq keńesterdiń quramy 90%-ǵa jańartyldy», dedi mınıstr.
Saltanatty jıyn úkimettik emes uıymdardyń ókilderin marapttaý rásimimen aıaqtaldy.
