Bul sýrette elektrondy kezekti kórsetip turǵan noýtbýk beınelengen. Bir qyzyǵy gadjet tóbede ilýli turǵan teledıdardyń artqy jaǵyna bekitilgen.
Jeli qoldanýshylary ıdeıa avtorynyń tapqyrlyǵyna tańqaldy.
«Why noýt?», «99-deńgeıdegi aıtıshnıkter», «AıTıshnıkter keremet! Máseleni tez jáne arzan sheshipti. Jaqsy, shaǵyn kompıýter, qansha turady? 400 myń?» «Isten shyqqan noýtbýk paıdasyn tıgizdi», «Zamanaýı máseleler zamanaýı sheshimderdi talap etedi», dep oqyrmandar oılaryn ortaǵa saldy.
Memlekettik korporasııanyń BQO boıynsha fılıaly mundaı qyzyq jaǵdaıǵa qatysty túsinikteme berdi.
«Elektrondy kezek noýtbýk arqyly jumys istegen. Búkil prosess (kezekke turý tártibi, klıentti shaqyrý, habarlaý jáne t.b.) noýtbýk arqyly basqaryldy. Bul noýtbýk HDMI kabeli arqyly negizgi tabloǵa qosylǵan, ol arqyly azamattarǵa elektrondy kezeý jaıly aqparat berildi», delingen habarlamada.
Sonymen qatar baspasóz qyzmeti mekemede tóbeniń bıiktigi 8 metrdi quraıtynyn, bul kútý zalynyń ortasyna ornatylǵan tabloǵa kabel júrgizýdi qıyndatatynyn qosa habarlady. Osylaısha, júıeniń birkelki jumysyn qamtamasyz etý úshin noýtbýkty tablonyń artqy jaǵyna ornatý týraly sheshim qabyldanǵan.
