Partııa ókilderi azamattar arasynda ótkizilgen saýalnama nátıjesinde halyqtyń tek 47 paıyzy qorshaǵan ortanyń máselelerin túsinip, ekologııalyq ómir súrý saltyna kóshý arqyly ǵana sheshýge bolatynyn túsinetinin anyqtaǵan.
«Baıtaq» partııasynyń qoldaýymen uıymdastyrylǵan aýqymdy is-sharaǵa Almaty jastarynyń júzge jýyq ókili qatysty. Dóńgelek ústelde Parlament Májilisiniń depýtattyǵyna kandıdattar Arman Qashqynbekov pen Aınur Sábıtova sóz sóıledi. Sonymen qatar kezdesýde elordalyq máslıhattyń depýtattyǵyna kandıdattar men Almaty qalasy shtabynyń músheleri, stýdentter, qoǵamdyq uıymdardyń kóshbasshylary oramdy oılaryn ortaǵa saldy.
Kezdesý barysynda halyqqa ekologııalyq bilim berý jaıynda usynystar ázirlenip, baıtaqtyqtar aldaǵy ýaqytta osy taqyrypta jańa joba usynbaq.
«Baıtaq» partııasynyń tóraǵasy Azamathan Ámirtaev elordalyq sportshylarmen, jattyqtyrýshylarmen kezdesti. Kezdesýde jastardy patrıottyq jáne dene tárbıesiniń mindetterimen qatar, olardyń ekologııalyq saýatyn damytý, qorshaǵan ortaǵa jáne tabıǵatqa uqypty qaraý týraly sóz boldy. Partııa músheleri saılaýaldy tuǵyrnamasy týraly, partııanyń bolashaqtaǵy maqsattary men mindetteri týraly habardar etti.
Sondaı-aq partııa basshylyǵy Astanada ótken Kekýshın Býdokaı karateden jyl saıynǵy dástúrli týrnırdiń ashylý saltanatyna arnaıy keldi. Týrnırdiń ashylýyna «Kazakhstan Fullkontakt Karate Organization» respýblıkalyq qoǵamdyq birlestiginiń prezıdenti Ekrınbek Ahmadalıev, uıymnyń vıse-prezıdentteri Konstantın Iаkovenko men Saıat Ábildın, Astana qalasy boıynsha Kekýshın Býdokaı karate federasııasynyń basshysy Nursultan Álıaqbarov, aldaǵy saılaýǵa alǵash ret qatysatyn shyǵys jekpe-jeginiń jas sheberleri qatysty.
