Respýblıkalyq shtab músheleri turǵyndardy saılaýaldy baǵdarlamanyń negizgi tujyrymdarymen tanystyrdy. Jıynǵa qatysýshylar el ishindegi ózekti máselelerdi ortaǵa salyp, ózderin mazalaǵan suraqtaryn qoıyp, shtab ókilderimen birge onyń sheshý joldaryn talqylady.
Qala turǵyny Bahyt Kúndebaev aqjoldyqtardyń baǵdarlamasymen tanysyp, ózgeris bolatynyna, ádil saılaý ótetinine kóz jetkizgenin, elimizdegi bilim salasynyń sapasy tómendegenin, jemqorlyqtyń joıylmaı turǵanyn, jalpy elimizge túbegeıli ózgeristerdiń qajet ekenin aıtty.
Bul usynysty partııa lıderi Azat Perýashev tolyǵymen qoldap, óz sózinde muǵalimderge erekshe dáreje berý týraly zań qabyldanǵanymen, kemshilikteri bar ekenin, zańǵa tolyqtyrý engizý kerektigin jetkizdi. «Bilim salasyna ózgerister qajet, bilimi joq halyqtyń bolashaǵy da joq», dedi ol.
Jıynǵa qatysýshylar daýys beretin saılaý ýchaskelerinde elektrondy júıe ornatý qajettigi týraly talaptaryn jetkizdi. Bul usynysqa partııa tóraǵasy Azat Perýashev bylaı dep jaýap berdi.
«Bul máseleni «Aq jol» demokratııalyq partııasy 2017 jyldan bastap Parlamentte kóterip kele jatyr. Bizdiń depýtattyq saýalymyzda saılaý úderisine tolyǵymen beınebaqylaý júrgizip, jeke kýáligindegi shtrıh-kod boıynsha daýys berý týraly usynys aıtylǵan. Kórshi Qyrǵyzstanda osy júıe 10 jyl buryn engizildi. Al bizdiń depýtattyq saýalymyzǵa Úkimet tarapynan qarajat qarastyrylmaǵany týraly jaýap kelse de, biz muny qaıta-qaıta kóterip kelemiz. Kez kelgen saılaýda daýys beretin ýchaskelerde beınebaqylaý ornatylǵan jaǵdaıda ǵana ádil saılaý ótip, saılaýda eshqandaı zań buzýshylyq bolmaıdy», dedi partııa tóraǵasy.
Budan keıin shtab músheleri bilim berý mekemeleriniń 250-ge jýyq muǵalimi jáne stýdentimen kezdesti. Jınalǵandarǵa partııanyń saılaýaldy baǵdarlamasy jiti túsindirildi.
