Sýretti túsirgen Erlan OMAR, «EQ»
Spıkerdiń aıtýynsha, Baıqońyr aýdanynyń jalpy aýdany 18 129 ga quraıdy. Turǵyndar sany – 233 375 adam. Aýdan aýmaǵynda «О́ndiris», «Kırpıchnyı», «Kazgorodok» turǵyn alaptary jáne 12 saıajaı qaýymdastyǵynan turatyn «Qoıandy» saıajaı alaby ornalasqan. 2022 jyly 55 aýla abattandyryldy, onyń ishinde «Halyq qatysatyn bıýdjet» jobasy aıasynda 15 aýlany abattandyrý jumystary júrgizildi. Abattandyrý barysynda 13 fýtbol alańy, 3 basketbol alańy, 1 hokkeı korty, 304 kóshe trenajerleri, 600 shaǵyn sáýlet nysandary, 70 jaryqtandyrý baǵanasy, 30 myń sharshy metr tósenish jabyny, 45 myń sharshy metr asfaltbeton jabyny, 7 qoǵamdyq keńistik ornalastyryldy.
Al 2023 jyly 8 qoǵamdyq keńistikti, 25 aýlany, onyń ishinde «Halyq qatysatyn bıýdjet» jobasy aıasynda 15 aýlany abattandyrý josparlanyp otyr. Jaryqtandyrý jabdyqtaryn ornatý boıynsha jumystar aýdannyń barlyq kóshesinde júrgizildi. 446 kóppáterli turǵyn úıdiń kireberisteri, balalar alańdary, oramishilik kireberister men ótpeler jaryqtandyryldy, jaryqtar sany – 1 251.
Sonymen qatar bıyl Alash tas joly, Ál-Farabı dańǵyly, Pýshkın kóshelerinde uzyndyǵy 18,81 km bolatyn 10kV kabel jelileri aýystyrylady. Buǵan qosa Ýálıhanov kóshesi, Pýshkın kóshesi, Imanov kóshesi, Kenesary kóshesi, Jańajol kóshesi, Ál-Farabı dańǵyly, Alash tas joly kóshelerinde ýaqytsha áýe kabel jelileri jańalanady.
Al kógaldandyrý jumystaryna kelsek, bıyl 10 200 túp aǵash otyrǵyzylady.
– Jol jáne kólik ınfraqurylym boıynsha kósheler sany – 216. Onyń ishinde asfalt tóselgeni – 177 kóshe (194 km), 39-y – asfaltsyz (32 km). 2022 jyly 11 kóshe, uzyndyǵy 6,426 km joldar ortasha jóndeýden ótti. Osy jyly uzyndyǵy 11,7 km quraıtyn 11 kóshe jóndeledi. Aýdan aýmaǵyn sanıtarlyq tazartýdy 21 merdigerlik uıym júzege asyrady. Jınalatyn aýmaqtyń jalpy aýdany – 16 mln sharshy metr. Dańǵyldar, kósheler, tuıyq kósheler – 216. Dańǵyldardyń, kóshelerdiń, tuıyq kóshelerdiń, oramishilik ótkelderdiń uzyndyǵy – 309,3 km. Arnaıy tehnıka sany – 257 birlik. Jol jumysshylarynyń sany – 403 adam. Shuńqyrlar sany – 48 birlik. QTQ jınaýǵa arnalǵan núkteler sany – 599 birlik. Qoqys konteınerleriniń sany 2 399 birlikti quraıdy. 2022-2023 jyldardaǵy qysqy kezeńde 114 900 tekshe metr qar shyǵaryldy, – deıdi E.Jaýlybaev.
