Birinshiden, týrıstik nysandardy salý jáne rekonstrýksııalaý úshin kásipkerlerge onyń shyǵyndarynyń 10%-y óteledi. Ekinshiden, jol boıyndaǵy servıs obektilerin (qonaqúıler, janarmaı quıý beketteri, saýda jáne tamaqtaný pýnktteri jáne t.b.) salǵan kásipkerlerge de osy mólsherde sýbsıdııa qarastyrylǵan. Úshinshiden, 8 nemese odan da kóp oryndyq týrıstik avtobýstardy satyp alý úshin ótemaqy 25%-dy quraıdy. Tórtinshiden, taý shańǵysy kýrorttaryna arnalǵan jabdyqtardy satyp alý úshin de dál osy mólsherde ótemaqy qarastyrylǵan. Sondaı-aq sanıtarlyq-gıgıenalyq toraptardy ustaý sýbsıdııalanady (aıyna 83 000 teńge). Mysaly, Aqmola oblysyndaǵy Zerendi aýdanynda 75 mln teńgege balalarǵa arnalǵan saýyqtyrý ortalyǵy qaıta jańartylyp jatyr. Kásipkerge joba qunynyń 10%-y óteledi.
Aqmola jáne Shyǵys Qazaqstan oblystarynyń eki kásipkerine týrıstik avtobýstar satyp alǵany úshin 11 mln teńge beriledi. Sondaı-aq bıyl elimiz boıynsha 567 sanıtarlyq-gıgıenalyq torapty ustaýǵa arnalǵan shyǵyndardy óteý kózdelgen. «Týrızmdi damytý bıznespen belsendi yntymaqtastyqsyz múmkin emes. Sondyqtan biz elimizdegi týrıstik ınfraqurylymyn damytýǵa ınvestısııa salatyn kásipkerlerge qoldaý kórsetemiz. Jańa tehnıkany satyp alýǵa jumsalǵan shyǵyndardyń bir bóligin óteý shynymen de iri josparlardy iske asyrýǵa túrtki bolady. Kásipkerge tek ótinim berip, óz jobasyn usynýy kerek», dedi Mádenıet jáne sport vıse-mınıstri Erjan Erkinbaev.
