Mýzeı-úı osy ýaqytqa deıin jazýshynyń qaryndasy Ǵalııa Bókeıdiń menshiginde edi.
Aýdan ákimi Dildar Qalıhannyń aıtýynsha, endi úıdiń ishi-syrtyna jóndeý jumystary júrgiziledi. Al murajaıdyń aldyna jazýshynyń jańa músini qoıylady.
Aıta ketsek, bıyl jazýshynyń týǵanyna 80 jyl.
Oralhan Bókeıdiń qarashańyraǵy buǵan deıin de mýzeı retinde ashylǵan edi. Alaıda kópshilikke belgisiz sebepterge qatysty jabylyp qalǵan-dy.
Bul másele «Egemen Qazaqstan» gazetinde buǵan deıin de kóterilgenin atap ótý kerek. Qalamgerdiń qaryndasy Ǵalııa Bókeımen suhbattasyp, qaıratkerdiń shyǵarmashylyǵyn nasıhattaý maqsatynda uıymdastyrylyp otyrǵan «Oralhan oqýlary» ne sebepti ótkizilmeı ketkeni, alǵashynda esigin aıqara ashqan mýzeı qandaı sebepterge baılanysty jabylyp qalǵany týraly aqparat alǵan edik.
