1 naýryz kúni ýchaskelik polısııa ınspektoryna shaǵym túsken. Kópqabatty úıdiń turǵyndary kúndelikti jalǵa beriletin páter ıelerine shaǵymdanyp, onda únemi aıqaı-shý estilip, alkogol ishken adamdardy jıi kóretinderin aıtqan.
«Ýchaskelik polısııa ınspektory seriktesimen birge atalǵan mekenjaıǵa kelip, páterdiń esigin qaqqan. Ol jerden mas kúıdegi segiz azamat shyǵyp, ozbyr minez tanytqan. Balaǵat sózderdi doǵarý týraly ótinishke olardyń biri ýchaskelik qyzmetkerdi nysandy kıiminen ustap alyp, polısııa qyzmetkeriniń zańdy talaptaryna moıynsunbaǵan. Er adam ákimshilik jaýapkershilikke tartyldy. Qostanaı qalasynyń ákimshilik sotymen quqyq buzýshy 5 táýlikke qamaýǵa alyndy», dep jazylǵan Rolisia.kz taratqan aqparatta.
