Keńeste ýnıversıtettiń ǵylymı qyzmetti keńeıtýdi jalǵastyryp jatqany, atap aıtqanda, keıingi birneshe jylda ǵylymı-zertteý jobalarynyń sany 146-dan 366-ǵa deıin óskeni aıtyldy. Sonymen qatar JOO taqyryptyq konferensııalar men kásibı damý baǵdarlamalary arqyly respýblıkanyń basqa joǵary oqý oryndarymen tájirıbe almasý boıynsha jumys júrgizedi.
Nazarbaev ýnıversıtetiniń taǵy bir aýqymdy jobasy ondaǵy Medısına mektebiniń Astana farmasevtıkalyq klasterin damytýǵa qatysýy bolyp otyr, bul Memleket basshysynyń dárilik zattar men medısınalyq buıymdar naryǵyndaǵy otandyq óndirýshilerdiń úlesin ulǵaıtý jónindegi tapsyrmasy sheńberinde iske asyrylyp jatyr. Sonymen qatar UMC ýnıversıtettik medısınalyq ortalyǵynyń bazasynda birqatar kúrdeli hırýrgııalyq operasııalar júrgizilip keledi, olardyń keıbireýi Qazaqstanda alǵash ret júzege asyrylyp otyr.
Úkimet basshysyna ınnovasııalardy damytý jáne ǵylymdy óndiriske engizý bóligindegi JOO qyzmeti týraly baıandaldy. Máselen, 2022 jyly ýnıversıtet ǵalymdary patentter, kommersııalandyrýǵa halyqaralyq granttar jeńip aldy. Mysaly, aýtızmge qarsy kúreste robottardy paıdalaný jobasy respýblıkanyń 22 ońaltý ortalyǵynda júzege asyryldy.
Premer-mınıstr JOO-ǵa ǵylymı-zertteý qyzmetin, ony kommersııalandyrýdy odan ári nyǵaıtý qajet ekenin, sondyqtan otandyq qoldanbaly ázirlemeler ártúrli salada jıi qoldanylatynyn aıtty.
