Qazaqstannyń barlyq óńirinde 2023-2024 oqý jylynda Nazarbaev Zııatkerlik mektepteriniń 7-synyptarynda oqý úshin «О́rken» bilim berý grantyn taǵaıyndaýǵa konkýrstyq irikteý bastaldy. Qujattar 2022 jylǵy 1 jeltoqsannan 2023 jylǵy 10 qańtarǵa deıin qabyldanǵan bolatyn.
Qujattar
«О́rken» bilim berý grantyna qatysý úshin qajet qujattar:
- ótinish;
- saýalnama toltyrý;
- úmitkerdiń týý týraly kýáliginiń kóshirmesi, úmitkerdiń JSN-i;
- zańdy ókiliniń JSN-i kórsetilgen jeke kýáliginiń kóshirmesi;
- 3h4 fotosýret;
- úmitkerdiń sońǵy oqý jylyndaǵy úlgerimi men tártibi týraly tabeliniń kóshirmesi (oqýyn jalǵastyratyn bolsa, oqý jylynyń I jarty jyldyǵyndaǵy úlgerimi men tártibi týraly tabeliniń kóshirmesi).
Talap etilgen qujattar oqıtyn mektep basshysynyń qolymen rastalyp, tıisti bilim berý uıymynyń mórimen bekitilýi kerek. Qujattardy 6-synyptyń 1-shi jartyjyldyǵy aıaqtalǵanǵa deıin tapsyrsa 5-synyptyń tabeli qabyldanady. 6-synyptyń 1-shi jarty jyldyǵy aıaqtalǵan soń tapsyrsa 6-synyptyń 1-shi jartyjyldyq tabeli qabyldanady.
Barlyq qujat muqabasy tússiz 10 faıldyq plastıkalyq papkaǵa salynady. Qujattar kelesi jaǵdaıda qabyldanbaıdy:
- ótinishti konkýrstyq irikteýge qatysýǵa belgilengen merziminen keshiktirip tapsyrsa;
- qujattar tolyq bolmasa.
Testileý
Qujattaryn tapsyrǵan úmitkerler konkýrsqa qatysý úshin Nazarbaev mektepterinde eki kún qatarynan test tapsyrady. Tirkeýge keshikken úmitkerler testileýge jiberilmeıdi jáne testileýdiń birinshi kúni bolmaǵan úmitker testileýdiń ekinshi kúnine qatysa almaıdy.
Úmitker ózimen birge kelesi zattardy alýy kerek:
- ruqsat qaǵazy;
- qara sııasy bar sharıkti qalam (geldi emes);
- zattańbasy joq bótelkedegi sý.
Testileý kezinde kelesi zattardy qoldanýǵa tyıym salynady:
- uıaly telefon, foto/beıne qurylǵylar;
- kitaptar men sózdikter, syzbalar;
- sırkýl, syzǵyshtar, markerler, qaryndashtar men óshirgishter;
- tamaq jáne sýsyndar (sýdan basqa);
- kalkýlıatorlar;
- qulaqqaptar;
- bloknottar;
- kepka, shapkalar;
- basqa elektrondyq qurylǵylar (smart-saǵat).
Úmitkerden testileý kezinde tyıym salynǵan zattar tabylsa ol aýdıtorııadan shyǵarylady jáne onyń testileý nátıjeleri joıylady.
Jaratylystaný-matematıkalyq baǵyttaǵy pánderdi meńgerý qabilettiligin anyqtaý boıynsha test úsh bólimnen turady:
- Matematıka – 40 tapsyrma;
- Sandyq sıpattamalar – 60 tapsyrma;
- Jaratylystaný – 20 tapsyrma.
Tildik test:
- Qazaq tili – 20 tapsyrma;
- Orys tili – 20 tapsyrma;
- Aǵylshyn tili – 20 tapsyrma.
Eki keshendi test tapsyrmalaryn oryndaýǵa árqaısyna 120 mınýttan beriledi.
Keshendi testileýdiń nátıjeleri teńestirilgen ball túrinde shyǵarylady. Múmkin bolatyn maksımaldy teńestirilgen baldyń jalpy sany – 1500 ball. Onyń ishinde:
- Matematıka – 400 ball;
- Sandyq sıpattamalar – 300 ball;
- Jaratylystaný – 200 ball;
- Qazaq tili – 200 ball;
- Orys tili – 200 ball;
- Aǵylshyn tili – 200 ball.
Baıqaýdyń nátıjeleri keshendi testileý aıaqtalǵan kúnnen 40 kúnnen aspaı res.nis.edu.kz saıtynda jarııalanady jáne keshendi testileý ótkizilgen ǵımaratqa ornalastyrylady. Úmitker saıtqa kirip, «Meniń nátıjelerim» batyrmasyn basyp, testilenýshiniń sáıkestendirý kody (TSK) men JSN engizýi qajet.
