Portaldy qoldanýshylarǵa kedergi joq

О́ńirlik kásipkerler palatasynda ótken jıynda isker azamattar vıse-premerge agroóner­kásip keshenindegi sıfrlyq júıe, mal sharýashylyǵyn sýbsıdııa­laýdyń jańa erejeleri, áleý­met­tik mańyzdy azyq-túlik taýar­larynyń baǵalaryn memleket arqy­ly retteý boıynsha saýaldar qoıdy. Ásirese kásipkerlerdi AО́K sýbsıdııalaýdyń biryń­ǵaı mem­le­kettik aqparattyq júıe­si­niń jumys istemeýi qatty alańdatady.

«Bizge gosagro.kz veb-porta­lynda sýbsıdııalaýdyń memle­ket­tik aqparattyq júıesi iske qosyl­ǵany týraly habarlandy. Bul ótinish qabyldaýdyń jalǵyz kózi, ol sýbsıdııalaýdyń barlyq túrlerine qujat qabyldaýdyń balamasy jáne ótinishter qaralyp bitken soń sýbsıdııa beriledi dep aıtylǵan edi. Bastama jaqsy sekildi kórin­di. Alaıda júıe múldem ju­mys istemeıdi. Sebebi ótinish tap­syrý múmkin emes. Búginge deıin birde-bir shymkenttik aýyl sha­r­ýashylyǵy taýaryn óndirý­shi osy portal arqyly ótinishin qaldyra almapty. Al jyl bastalǵaly úshinshi aıǵa aıaq bastyq», dedi kásipker Bolat Nájimetdınuly.

Vıse-premer buǵan qatysty sýbsıdııalaýdyń memlekettik aqparattyq júıesinde aqaý shyqqanyn moıyndady. «Atalǵan júıe sýbsıdııa alýshylarǵa alǵa­shynda synaq rejiminde iske qo­sylǵan. Osy rette Aýyl sharýa­shylyǵy mınıstrligine atalǵan kemshilikterdi dúısenbige deıin joıý týraly tapsyrma berildi. Endi portal qoldanýshylarǵa eshqandaı kedergi týdyrmaýy tıis», dedi S. Jumanǵarın.

S.Jumanǵarınniń Shymkentte kezdesý ótkizýi osymen ekinshi ret bolyp otyr. Alǵashqy jıynda da biraz ózekti máseleler kóterilgen edi. Osy jolǵy basqosýda birin­shi kezdesýdegi aıtylǵan prob­le­malardyń sheshilýi sóz boldy.

«Iá, bul problema túrli óńir­lerde, sonyń ishinde Shyǵys Qazaq­stan oblysy men Astanadaǵy  qoı sharýashylyǵymen aınalysatyn azamattarmen júzdesý bary­synda da birneshe ret aıtyl­ǵan-dy. Osy rette atalǵan má­se­le­niń ońdy sheshilgenin aı­ryq­sha atap ótkim keledi. Bıyl­ǵy jyl­dyń 22 aqpanynda vedoms­tv­o­ara­lyq komıssııanyń otyrysyn­da júndi áketýge ar­nalǵan eks­porttyq kedendik baj­dyń nól­­dik mólsherlemesiniń qol­­danylý merzimi uzar­tyl­dy. Res­pýblıkalyq bıýd­jet komıssııasynyń oń qory­­tyndysyn alǵannan ke­ıin mınıstrlik ózderine qatys­ty kedendik áketý bajdary qolda­nylatyn taýarlardyń tizbesine ózgerister engizý boıynsha barlyq qajetti rásimderdi júrgizedi», dedi vıse-premer.

Sonymen birge Qazaqstan aýmaǵyna О́zbekstan men Túrkııa tarapynan kilemder men kilem buıymdaryn ákelý kezinde dempıngke qarsy baj salyǵyn engizý máselesi de qozǵalǵan bolatyn.

Bul rette Premer-mınıstr­diń orynbasary taýar ımportyna qatysty dempıngke qarsy sharalardy qoldaný úshin tergeýdi bastaý qajet dedi. Bul tek Eýra­zııalyq ekonomıkalyq odaq sheń­berinde jáne óndirýshilerdiń ne­mese sala óndirýshileriniń bir­lestiginiń ótinishi negizinde ǵana múmkin bolmaq. Osyǵan baılanys­ty tıisti mınıstrlik tarapynan osy jylǵy 5 qańtarda jergilikti kilem ónimderin shyǵarýshy «Bal Tekstıl» JShS-ǵa arnaıy hat ta joldandy. Sondyqtan óti­nish Eýraz­ııalyq ekonomıkalyq komıs­­sııa alqasynyń qaraýyna jibe­­riledi.

Sonymen birge Eýropa el­derin­e eksporttaý úshin aýyl sharýa­shylyǵy kásiporyndaryn ak­kredıtteý jáne eýrokod alý úderisin jedeldetýdi ótingen edi kásipkerler.

Jaýapty tulǵa osy másele boıynsha 2023 jylǵy 28 aqpanda Brıýsselge sapary aıasynda Aýyl sharýashylyǵy mınıstri Erbol Qarashókeev pen «Saýda saıasatyn damytý ortalyǵy» AQ bas dırektorynyń orynbasary Ásel Egemberdıevanyń eýropalyq komıssarlarmen kezdeskenin atap ótti.

Aýyl sharýashylyǵy jónin­degi eýrokomıssar Iаnýsh Voıse­hovskıımen kelissózder barysynda Aýyl sharýashylyǵy mınıstri el Úkimetiniń EO-men saýda-ekonomıkalyq áriptestikti odan ári keńeıtýge daıyn ekendigin meńzegen.

Qazirgi ýaqytta balyq óndirý­shi­lerge aýdıt júrgizý aıaqtal­yp jatyr. Bul óz kezeginde bal, sút jáne et ónimderin eksport­taý­­shy­larǵa da múmkindik týǵy­za­dy. Al mal sharýashylyǵy ónim­derin Eýropaǵa jóneltýdegi qıyn­dyqtar árbir taýardy bólek-bólek qarastyrý shartyna baılanysty.

Kelissózder nátıjesinde otandyq balyq ónimderin resmı túrde EO tizimine engizýge qol jetkizildi. Qazirdiń ózinde Fransııa jáne Shveısarııamen qazaqstandyq balyq ónimderin satyp alýǵa kommersııalyq keli­simder bar. О́tken jyldyń qory­tyndysy boıynsha qazaqstandyq balyqtyń Eýropaǵa eksporty 1,5 esege artyp, 8,7 myń tonnany qurady. Bizdiń ónimdi negizgi tutynýshylar Polsha, Slovakııa, Chehııa, Nıderland, Lıtva, Latvııa, Danııa, Aýstrııa jáne Germanııa elderi sanalady. 

Jıyn sońynda Premer-mı­nıstrdiń orynbasary «Sa­muryq-Qazyna» quramyna kiretin memlekettik organdar men kompanııalar satyp alǵan jeńil óner­kásip taýarlaryna qatysty ST-KZ sertıfıkattarynyń zańdy­ly­ǵyna toqtaldy.

ShYMKENT