Jańa jabdyq qoldanysta turǵan jabdyqqa qosymsha bolyp sanalady jáne óńirlik bılik pen fermerlik sharýashylyqtardy habardar etý úshin qurǵaqshylyqtyń bastalýy týraly boljamdardy jedel qalyptastyrýǵa múmkindik beredi.
Jabdyqty resmı tapsyrýǵa Ekologııa jáne tabıǵı resýrstar vıse-mınıstri Dosbol Bekmaǵambetov, dıpmıssııa basshysynyń orynbasary, Qazaqstandaǵy Japonııa Elshiliginiń keńesshisi Kanata Tomohıro myrza, BUUDB-nyń Qazaqstandaǵy Turaqty ókiliniń orynbasary Sýhrob Hodjımatov, «Qazgıdromet» RMK Bas dırektory Danara Alımbaeva, BAQ ókilderi, memlekettik qyzmetkerler, halyqaralyq jáne ulttyq sarapshylar qatysty.
«Qazaqstanda mıtıgasııamen qatar klımattyń ózgerýi sııaqty ınfraqurylym men ekonomıkany ekstremaldy aýa raıy qubylystaryna daıyndaý úshin klımattyń ózgerýine beıimdelý jónindegi jobalarmen jumys isteý mańyzdy bolyp kórinedi. Qazaqstandaǵy BUUDB damý jónindegi áriptesterimen birge el Úkimetine turaqty aýyl sharýashylyǵy, jańartylatyn energııa kózderin engizý jáne energııa únemdeý, tabıǵı kapıtaldy saqtaý jáne Qazaqstannyń klımat salasyndaǵy halyqaralyq mindettemelerdi oryndaýy úshin sharalardy iske asyrýda júıeli qoldaý kórsetýdi jalǵastyrady», dep atap ótti BUUDB-nyń Qazaqstandaǵy Turaqty ókiliniń orynbasary Sýhrob Hodjımatov.
«Qazgıdromet» RMK Bas dırektory Danara Alımbaevanyń aıtýynsha, aýyl sharýashylyǵy ekonomıkanyń klımatqa táýeldi salasy bolyp sanalady, sondyqtan klımattyń ózgerýi men ekonomıkalyq turaqsyzdyq jaǵdaıynda óńirdiń aýyl sharýashylyǵy kásiporyndaryna agrometeorologııalyq qyzmet kórsetý erekshe nazar aýdarýǵa laıyq.
«Sońǵy jyldary fermerler men ýákiletti memlekettik organdarǵa usynylatyn ónimderdiń tizbesin keńeıtý maqsatynda «Qazgıdromet» RMK-da agrometeorologııalyq boljamdaýdyń jańa modelderi engizilýde jáne boljamdaýdyń, onyń ishinde ártaraptandyrý daqyldary men qurǵaqshylyqty boljaý úshin paıdalanylatyn ádister jetildirilýde, sonymen qatar biz bas keńsedegi jabdyqtarmen qosa, mobıldik qoldanbalardy engizemiz, alynǵan derekterdi naqtylaý úshin marshrýttar boıynsha josparly saparlardy júzege asyramyz», dedi Danara Alımbaeva.
