Forýmnyń ashylý saltanatyna qatysqan qala ákimi Murat Áıtenov sóziniń basyn barsha áıelder qaýymyn kóktemniń alǵashqy kún shýaǵymen birge keletin 8 naýryz merekesimen quttyqtaýmen bastady.
«Áıel adam – ómirdiń nári. Olarsyz tirshilik te mánsiz. Gúldeı qulpyrǵan názik jandylar dúnıege jańa kúsh, jaryq nur syılaıdy. Odan qýattanǵan búkil tiri jan ıesi joǵary bıikke umtylýǵa kúsh-qudiret alady. Sondyqtan kóktem mezgilindegi shýaqty merekeniń dýmany sizderdiń qýanyshtaryńyzben bastalady. Shańyraqtyń shyraqshysy, meıirim men sulýlyqtyń sımvoly ózderińiz bolyp tabylasyzdar. Iá, tarıhta qazaq qyzdary jasaǵan erlik, qaldyrǵan máńgi óshpes iz jeterlik. Mine, osyndaı dańqty arýlarymyzdyń asqaq jolyn sizder ar-ıba, abyroımen jalǵap kelesizder», dedi ol.
Tileginiń sońynda ákim qyz-kelinshekter úshin shaharda ózin-ózi damytýǵa bar jaǵdaı jasalǵanyn, ashylmaǵan talaı jańa múmkindikterdiń bar ekenin baıandady.
Qala basshysy málimdegendeı, búginde memlekettik saıasat otbasy ınstıtýtyn, kópbalaly analardy, áıelder kásipkerligin qoldaýǵa jáne genderlik teńdikti qamtamasyz etýge basa mán berip otyr.
Sonymen birge forým qyzyǵyn tamashalaýǵa «Bıznes ınkýbator» baıqaýynyń jeńimpazy atanǵan stýdent qyzdar, «Atameken», «Damý» korporasııasynan grant utyp alǵan áıelder men otbasylyq bızneske endi qadam basqan kópbalaly analar da keldi. Barlyǵy da basqosý aıasynda kóshbasshy áıeldermen júzdesip tabysqa jetý joldarynyń tájirıbesimen tanysyp úırenedi. О́z kezeginde tabysty, isker áıelder ózin-ózi damytý, mansaptyq ósý, qarjyny durys ıgerý, densaýlyq kútimi men jeke ómirge qatysty basqa da paıdaly jaqtar boıynsha aqyl-keńesterin usyndy.
Al forýmda tórge ozǵan qonaqtar arasynan jurt Merýert О́tekesheva, Maıra Muhamedqyzy, Láılá Sultanqyzy, Araılym Áýelbekova, Hanzada Esenova, Aıka Alemı jáne Janııa Dabyrdy tanydy. Olardyń barlyǵy da kınoındýstrııa, óner, medıa, sán álemi jáne kásipkerlik salasynda kóshbasshy bolyp júrgen jandar.
Skolkovo Máskeý basqarý mektebiniń prorektory, áıelder baǵdarlamalarynyń dırektory Marına Karban forýmnyń syıly qonaǵy boldy. Ol qatysýshylarmen onlaın rejimde tildesip, qazaqstandyq qyz-kelinshekterdiń barlyq bastamasyna jeńis pen sáttilik tiledi.
Joǵaryda aıtqanymyzdaı, SEN forýmynyń basty mindetiniń biri – názik jandylardyń alǵa qoıǵan maqsattaryna jetýlerine kómektesý, sol jolda olardyń áleýetterin tolyq ashý, sonymen qatar ózara tanysýǵa, tájirıbe almasýǵa ashyq alań usyný.
Sonymen birge jıynda bir-birimen áńgime-dúken quryp, tanysyp-bilisken spıkerler men qatysýshylar keıin de uzaq ýaqytqa baılanys ornatyp, onyń sońy tıimdi áriptestik qarym-qatynasqa ulasady degen úmit basym. Sondyqtan qos tarap ta aldaǵy ýaqytta otbasy, psıhologııa, qoǵamdaǵy qarym-qatynas jáne tulǵa bolyp qalyptasý sekildi máseleler tóńireginde arnaıy osy taqyryptarǵa baǵyttalǵan qaýymdastyqtar ashýǵa, olardyń jumysyn júıeleýge bir-birine qolǵabys tıgizedi degen oıdamyz.
Sol sebepti uıymdastyrýshylar forýmnyń berer paıdasy mol dep esepteıdi. Ol birinshiden Qazaqstandaǵy qyz-kelinshekterdiń qoǵamnan óz ornyn tabýyna, ári qaraı ósip-jetilýine qoldaý kórsetedi. Ekinshiden osyndaı jıyn, is-sharalar arqyly olardyń da boıynda óz-ózderine degen senim men kúsh paıda bolady. Tabysty bolýdyń jańa múmkindikterin qarastyra bastaıdy. Sondyqtan áıelder qaýymynyń ishki jan turaqtylyǵy óte mańyzdy ról oınaıdy. О́ıtkeni qoǵam otbasydan quralady desek, al shańyraqtyń otyn jaqqan, otbasynyń berekesin kirgizetin áıelder ekenin umytpaǵan abzal. Bala tárbıesine de birinshi kezekte tikeleı jaýapty áıel adam sanalady. Mine, qoǵamdaǵy óziniń ornyn joǵaltpaýǵa, sanasynyń sergek, aqylynyń oıaý bolýyna kómektesetin osyndaı jylyshyraıly basqosýlar men máni zor forýmdar.
