Qyryqtan astam aýyl baqylaýǵa alyndy

Deı turǵanmen, tótenshe jaǵdaı qyzmetiniń mamandary oblystyń kóp bóliginde toń bolyp qatqan topyraqtyń jipsimeı turǵanyn, keı jerlerde tipti 2 metrge deıin jetetinin habar­lady. Eger shekaralas aımaqtardaǵy ózen-kólder arqyly mol sý aǵyp keletin bolsa, ja­ıylǵan qarǵyn sý topyraqqa sińýge úlger­meı qalýy múmkin. Sondyqtan eldi mekender aınalasyndaǵy topyraq úıindileri men bóget­terdi nyǵaıtý sharalary júrip jatyr. Jedel jos­par bekitilip, sý tasqynyna qarsy oblystyq shtab quryldy. Yqtımal jaǵ­daılarǵa 105 ton­na janar-jaǵarmaı, 34 myńnan astam qum tol­ty­rylǵan qap, 10 myń tonna ınertti ma­terıal­dar ázirlenip qoı­dy. Tótenshe oqıǵa týa qalsa, arnaıy qyz­met­ter birden adamdardy qut­qarý, sý jyrý ju­mystaryna kirisip ketýge daıyn.

Pavlodar oblysy tótenshe jaǵdaılar departamenti bastyǵynyń orynbasary Oleg Treshevtiń sózinshe, eldi mekenderde qar shyǵarý jumystary jalǵasýda. Barlyǵy 1,13 mln tekshe metr qar aýlaqqa tasylǵan. Sile­ti ózeniniń boıynda muzdardyń kóktemgi keptelisin boldyrmaý úshin muzdy aralap kesip, aǵyzý sharalary atqaryldy. Muzdy jarǵannan góri, osylaı júrgizý ekonomıkalyq turǵydan arzan ári tıimdi eken.

Qazirgi kúni 43 eldi meken mamandardyń aıryqsha baqylaýynda. Baıanaýyl men Aq­toǵaı aýdandarynyń aýyldary, Aqsý qa­lasy jyldaǵydaı qaýipti aýmaqtarǵa engen. Kenjekól aýyly men Lenın kenti, Aqsý qalasy men Aqsý kenti, Pavlodar aýdanyndaǵy Gosplemstansa eldi mekeni, Baıanaýyldaǵy Sátbaev pen Musa Shorman, Aqtoǵaıdaǵy Sholaqsor aýyldarynda, Aqqýly aýdany ortalyǵynda qaýip týyndaýy yqtımal.

О́ńir boıynsha avtojoldar men temir­joldarda 1472 sý ótkizetin qubyr bar. «QazAvtoJol» AQ-nyń aımaqtaǵy fılıaly men jergilikti atqarýshy organdardyń málimet­terine súıensek, qazirge deıin atalǵan sý ótkiz­gishterdiń 74 paıyzy tazartylǵan.

Oblys tótenshe jaǵdaıdyń aldyn alý jáne qarǵyn sýdan keletin zalaldy joıý sharalaryna jalpy somasy 1,7 mlrd teńge qarajat qarastyryp otyr. Tótenshelikter aımaqta qardyń az bolýyna baılanysty kóktemgi sý tasqyny asa qaýip tóndire qoımaıdy deıdi. Jurt Qaraǵandy arqyly aǵyp keletin Ashysý ózeni men Aqtoǵaıdaǵy Sileti ózenderine saı-saladan sý kóp jınalmasa eken dep tilep otyr. Negizgi qaýipti kezeń naýryz aıynyń ekin­shi jartysy men sáýir aıynyń alǵashqy on­kúndigine túsip tur.

Pavlodar oblysy