«Kóp oqıtyn adamdarda oılaý qabileti kúshti bolady. Kitapqumar jandar saraptamalyq, ıaǵnı analıtıkalyq turǵyda oılaı alady. Sondyqtan kitap ataýly adamnyń sanasyndaǵy pikirdi júıelep jetkizýge kómektesedi. Sondaı-aq oqýǵa yntyq jandardyń sóıleý máneri joǵary, saýatty ári tili baı bolyp keledi. Bul rette qoǵamda kitap oqıtyndar sany artyp turǵanda merzimdi basylymdar eshqashan ornyn joǵaltpaıdy. Esesine, mádenıet te bıikke órleıdi. Sóz barda, pikir alýandyǵy joǵalmaǵan qoǵam barda baspasóz eshqashan ólmeıdi. Ásirese gazet isi halyqpen birge máńgi jasaı beredi. Statıstıkalyq derekterge zer salsaq respýblıka halqynyń bar-joǵy 23 paıyzdaıy gazet-jýrnal oqıdy eken. Al qalǵan paıyzy – áleýmettik jeli qoldanýshylardyń úlesinde. Tipti búginde 6 jasar baladan jasy jetpisten asqan qarııalarǵa deıin áleýmettik jeliniń turaqty oqyrmandaryna aınalyp úlgergen. Deıturǵanmen, zaman tehnologııasy gazet-jýrnaldarǵa keri áserin tıgizbeıdi. Tek ár nárseni ornymen paıdalansaq, jetkilikti. Kitapty jazýdaǵy maqsatym da sol búgingi urpaq dástúrli baspasóz ben ozyq tehnologııany birge ushtastyryp otyrsa eken», dedi Tólen Tileýbaı.
О́z kezeginde jańa kitap jaıynda óz oıyn ortaǵa salǵan «Astana aqshamy» gazetiniń bas redaktory Erkin Qydyr dástúrli BAQ-tyń sıfrlandyrý úderisine saı ıkemdelýi búgingi qoǵamnyń ózekti máselesi ekenine toqtaldy. «Sonyń ishinde atalǵan oqýlyqta sıfrlyq tehnologııa dáýirlep turǵan zamanda kóneden kele jatqan merzimdi basylymdar básekelestikke qalaı shydamaq, jurt jappaı áleýmettik jelige kóshse, baspasózde ult múddesin kim kózdeıdi nemese saıt pen qaǵaz nusqasyndaǵy gazet-jýrnal bir-birine básekeles pe, álde birlesip damı ma degen saýaldarǵa ádemi jaýaptar berilgen», dep oıyn qorytty.
«Sıfrlyq jolaıryq: Qazaqstan gazetteriniń búgini men erteńi» eńbeginen bólek avtor buǵan deıin de birneshe kitap jazyp úlgergen. 2006 jyly jýrnalıstiń qalamynan týǵan «Alasapyran Amerıka» atty tuńǵysh kitaby jaryq kórse, araǵa on jyl salyp «Táýelsizdik – tumarym» atty jańa eńbegin jarııalady.
