Kezdesý barysynda R. Sklıar PIARK ókilderin joldar men tasymal salasyn damytý, aldaǵy josparlar týraly habardar etti jáne qaýymdastyqpen yntymaqtastyqtyń mańyzdylyǵyn atap ótti.
О́z kezeginde qaýymdastyq prezıdenti Nazır Allı Qazaqstannyń PIARK-ke kirýi 1200-den astam halyqaralyq sarapshylardyń qatysýymen tehnıkalyq komıtetterde ázirlenip jatqan joldarǵa, ınjenerlik qurylystarǵa, jol qozǵalysyna qatysty zamanaýı tehnıkalyq ázirlemelerge jáne salalyq qujattamaǵa qol jetkizýge múmkindik beretinin atap kórsetti.
Kezdesý qorytyndysy boıynsha taraptar yntymaqtastyqty odan ári ilgeriletý maqsatynda Qazaqstanda Dúnıejúzilik jol qaýymdastyǵynyń ulttyq komıtetin qurý týraly ýaǵdalasty.
Osy jyldyń qazan aıynda Qazaqstan Praga qalasynda (Chehııa) ótetin Dúnıejúzilik jol kongressine qatysady.
PIARK halyqaralyq uıym bolyp tabylady jáne sarapshylardyń ózara árekettesýine, sondaı-aq avtomobıl joldary men júk avtomobılderi tasymaly salasyndaǵy tájirıbe almasýǵa arnalǵan eń úlken alań retinde qyzmet etedi. Qaýymdastyq 1909 jyly Parıjde quryldy.
PIARK-tiń negizgi is-sharalary – avtomobıl joldary men júk kólikteri tasymaly salasynda ádister men tájirıbe almasý úshin tórt jyl saıyn uıymdastyrylatyn Dúnıejúzilik jol kongresteri men Halyqaralyq qysqy jol kongresteri. 2021 jyldyń qazan aıynda PIARK Keńesi Qazaqstan Respýblıkasynyń qaýymdastyqqa kirý jónindegi ótinishin maquldady. Al 2022 jyldyń qarashasynda Qazaqstan PIARK-ke resmı túrde qabyldandy.
