Qoǵam • 15 Naýryz, 2023

Enbek.kz portalynda bos oryndar jármeńkesi ótedi

244 ret

kórsetildi

1 mın

oqý úshin

29 naýryzda Enbek.kz elektrondyq eńbek bırjasy alańynda taý-ken óndirý jáne óńdeý ónerkásibi kásiporyndarynyń bos jumys oryndarynyń respýblıkalyq onlaın-jármeńkesi ótedi, dep habarlady Egemen.kz Eńbek jáne halyqty áleýmettik qorǵaý mınıstrligine silteme jasap.

Gúlshahra SANSYZBAI

Enbek.kz portalynda bos oryndar jármeńkesi ótedi

Jármeńkege qatysýǵa Qazaqstan óńirlerinen 20-dan astam iri jumys berýshi ótinim bergen. Olardyń arasynda ERG, Polymetal International plc kompanııalar tobynyń kásiporyndary, «KAZ Minerals» JShS, «Elektrovoz qurastyrý zaýyty» JShS, «AK Altynalmas» AQ jáne basqalary bar.

«Jármeńke barysynda jumys berýshiler óz kompanııalarynyń onlaın-tusaýkeserin ótkizedi, qolda bar bos jumys oryndaryn usynady jáne eń qolaıly kandıdattardyń jeke bazasyn qalyptastyrady. О́tinish berýshiler óz kezeginde uıymdardyń HR-menedjerlerimen sóılese alady, áńgimelesýden ótip, olarǵa qyzyqtyrǵan suraqtaryn qoıa alady», delingen Eńbek jáne halyqty áleýmettik qorǵaý mınıstrliginiń resmı habarlamasynda.

Is-sharaǵa qatysý úshin Enbek.Tanda portalynyń arnaıy bólimine kirip, jumys izdeýshiler men jumys berýshiler týraly aqparatpen tanysý qajet. Keıin jumys izdeýshiler qajetti qoljetimdi bos jumys oryndaryn tańdap, olarǵa habarlasa alady.