Shatgpt chatbottyń sońǵy nusqasy mátinmen jáne sýrettermen de jumys isteı alady. Ázirleýshiler jańa chatbottyń 25 myń sózge deıin, ıaǵnı buryńǵydan qaraǵanda 8 ese kóp aqparatty taýyp, júıelep bere alatynyn atap ótti.
Reuters agenttiginiń habarlaýynsha, OpenAI basshysy Greg Brokman onlaın prezentasııa kezinde GPT-4-tiń keıbir múmkindikterin tanystyrǵan. Endi jasandy ıntellekt qolmen salynǵan eskızdiń fotosýreti negizinde naqty veb-saıt ta jasap bere alady.
Sonymen qatar jasandy ıntellekt zań salasy boıynsha emtıhan tapsyryp, úzdik nátıje kórsetken stýdentterdiń qataryna kirgen.
Chatbot iske qosylǵannan bastap, jasandy ıntellekten qoldanýshylar kóbine án, óleń, jarnama jáne kompıýterlik kod jazyp berýin suraǵan. Kompanııa osy suranysty eskere otyryp, chatbotqa óleń, án jazyp bere alatyn múmkindik qosqan.
Ázirge paıdalanýshylarǵa GPT-4 chatbotynyń aıyna 20 dollar turatyn aqyly nusqasy ǵana qoljetimdi.
Aıta ketsek, qoldanýshylar arasynda úı tapsyrmasyn oryndaý úshin robotqa júginetin stýdentter men mektep oqýshylary kóbeıgen.
