Sońǵy jyldary tólem uıymdary júrgizgen operasııa kólemi turaqty ósý dınamıkasyn kórsetip otyr. 2022 jyly tólem uıymdarynyń servısi arqyly júrgen aqsha aınalymy 6 trln teńgeni qurady, bul 2021 jylmen salystyrǵanda 73,3 paıyzǵa kóp. 2022 jyly jasalǵan tranzaksııalar sany 597,3 mln-ǵa jetip, 12,0 paıyzǵa ósti.
Naryqta jumys isteıtin barlyq tólem uıymdarynyń eleýli úlesi (aqsha aınalymynyń 87 paıyzy) 15 tólem uıymyna tıesili.
2022 jyly aıtarlyqtaı ósim klıentterdiń mobıldi qurylǵylar men ınternet arqyly júrgizgen operasııalarynda baıqaldy. Barlyǵy 3 110 mlrd teńgege 251 mln operasııa júrgizildi (2021 jylmen salystyrǵanda 2 ese kóp).
Qolma-qol aqshany qabyldaýǵa qatysty tólem uıymdary 1 983 mlrd teńgege 168,4 mln operasııa júrgizdi. Bul kórsetkish 2021 jylmen salystyrǵanda 39,1 paıyzǵa joǵary.
Sonymen qatar elektrondy aqshamen jasalǵan operasııalarda da ósim bar. 2022 jyly bundaı operasııalardyń barlyǵy 514,6 mlrd teńgege júrgizildi.
Tólem uıymdarynyń aýmaqtyq shoǵyrlanýy: tólem uıymdarynyń 86,7 paıyzy – Almaty qalasynda, 7,6 paıyzy – Astana qalasynda, Qaraǵandy, Qonaev boıynsha – 1,9 paıyzdan, sondaı-aq Shymkent pen Rýdnyı boıynsha – 1,0 paıyzdan ornalasqan.
