Kollajdy jasaǵan Qonysbaı ShEJIMBAI, «EQ»
Qazaqstanda jyl saıyn óndiriste eńbekti qorǵaý talaptaryn buzý saldarynan orta eseppen 1 400 jumysshy jaraqat alyp, 200-ge jýyq adam qaza tabady. Bul rette jumysta zardap shekkenderdiń eń kóp sany Shyǵys Qazaqstan men Qaraǵandy oblystarynda baıqalady.
Byltyr «Memlekettik annýıtettik kompanııa «О́mirdi saqtandyrý kompanııasy» AQ (MAK) jumyskerlerdi eńbek mindetterin atqarý kezinde jazataıym oqıǵalardan saqtandyrý boıynsha zańdy tulǵalarmen 1 660 shart jasasty. Onyń aıasynda 83 122 adam saqtandyrýmen qamtyldy.
2022 jyly atalǵan kompanııa jazataıym oqıǵalardan zardap shekken 1 069 qyzmetkerge 855 mln teńge somasynda aı saıynǵy annýıtettik tólemder júrgizdi. Buǵan qosa 27 adam 3,5 mln teńge somasyna qosymsha (medısınalyq) shyǵystardy (500 AEK-ten 1 000 AEK-ke deıin, jerleýge arnalǵan birjolǵy tólem – 100 AEK) aldy.
Sonymen qatar 1998 jyly el jınaqtaýshy zeınetaqy júıesine kóshken sátten bastap zeınetaqy annýıtetteri baǵdarlamasy iske qosyldy. Zeınetaqy annýıteti Biryńǵaı jınaqtaýshy zeınetaqy qorynda (BJZQ) qarajat jınaqtaýǵa balama retinde qyzmet etedi. Baǵdarlamanyń máni – azamattarǵa zeınetaqy jasyna deıin bastalatyn ómir boıǵy tólemderdi alý úshin jınaqtaýdy BJZQ-dan saqtandyrý uıymdaryna aýdarýǵa múmkindik berý.
Bul rette 2022 jyldyń qorytyndysy boıynsha MAK jeke tulǵalarmen 153 zeınetaqy annýıtettik saqtandyrý shartyn jasasty. О́tken jyly zeınetaqy annýıteti sharttary boıynsha 1,3 mlrd teńge somasyna saqtandyrý tólemderi júrgizildi, muny alýshylar – 8 108 adam.
