О́ndiristiń birinshi kezeńiniń quny 25 mlrd teńgeni quraıdy. Kásiporyn Qaraǵandy (Shet aýdany) jáne Jambyl (Moıynqum aýdany) oblystarynyń shekarasynda ornalasqan. Zaýyttyń birinshi kezeńin paıdalanýǵa berý 2023 jyldyń 3 toqsanyna josparlanǵan.
Bul jobanyń maqsaty - quramynda 99,99% mys bar, taza katodty mys alý maqsatynda mys kenin qaıta óńdeý boıynsha zamanaýı óndiristik kásiporyn qurý. О́ndiris úshin negizgi shıkizat - mys keni.
«Búgingi tańda bizdiń óńirlik ókildigimizdiń kómegimen óndiristik obektilerdi (200 ga), úıindi shaımalaý ýchaskesin (1 ga), sýarý alqaptaryn (84 ga), vahtalyq kentti (7 ga), kirme joldardy (2 ga), sanıtarlyq-qorǵaý aımaqtaryn (117 ga), bolashaq flotasııalyq fabrıkanyń (47 ga) jáne aýmaqty kógaldandyrý (105 ga) qajettilikteri úshin jalpy aýdany 563 ga ınvestısııalyq alań bólindi. «Tehnologııalyq jabdyqtar men onyń jınaqtaýyshtaryn ımporttaý kezinde kedendik baj salyǵyn salýdan bosatý» preferensııasy boıynsha ınvestısııalyq joba jasaldy», dedi «KAZAKH INVEST» UK» AQ Jambyl oblysy boıynsha óńirlik dırektory Arnold Gerıng.
Bolashaqta osy aýmaqta ekinshi kezektegi óndiristi ornalastyrý jáne ony kógaldandyrý josparlanyp otyr.
