Statıstıkalyq málimet boıynsha Turan aýdanynyń jer kólemi megapolıs aýmaǵynyń 32 paıyzyn quraıdy. Halqynyń sany 220 myńnan asady. Aýdan 21 eldi meken men turǵyn alaptan jáne ortalyq aýmaqtardan turady. Sondaı-aq oǵan 84 balabaqsha, 41 mektep, 9 kolledj jáne 6 densaýlyq mekemesi men 12 meshit qaraıdy.
Turan aýdanynyń ákimi Boranbaı Býlatbekov jańa ákimshilik aımaqtyń búgingi jumysy men aldaǵy josparlary týraly aıta kele, qazirgi ýaqytta aýdan aýmaǵynda ornalasqan eldi mekender júz paıyzǵa jýyq aýyz sýmen qamtylǵanyn, al búgingi kúnge deıin kestemen aýyz sý tutynyp kelgen Qursaı eldi mekeniniń aýyz sý qurylysy tolyq aıaqtalǵanyn habarlady.
Atalǵan eldi mekende aýyz sý qurylysy bitken soń qubyrlar jýyp-shaıylyp, dezınfeksııalandy, endi turǵyndardy aýyz sýǵa qosý jumystary ret-retimen atqarylyp jatyr. Nátıjesinde, 2023 jyly aýdandaǵy eldi mekender tolyq sapaly aýyz sýmen qamtylatyn bolady.
Sondaı-aq Turan aýdanyndaǵy sapaly jaryq tutynatyn eldi mekender sany da júz paıyzǵa jeteıin dep qaldy. Sol Qursaı eldi mekeniniń jańaqurylys aýmaǵyn sapaly elektr qýatymen qamtý úshin mamandar jobasyn jasaýǵa kiristi. Josparǵa sáıkes eki jyl kóleminde qurylys jumystary júrgizilip, 2024 jyldan bastap aýdan aýmaǵyndaǵy árbir úı sapaly elektr energııasyna qol jetkizedi.
Aýdandaǵy tabıǵı gazben qamtylý kórsetkishi de júz paıyzǵa jeteqabyl. 2022 jyldyń sońynda Arǵymaq, Aqtas, Aqtas-2, Aqjar eldi mekenderin tabıǵı gazben qamtý boıynsha qurylys jumystary tolyq aıaqtaldy. «QazTransGaz» AQ tarapynan gaz qubyry júıelerin synamadan ótkizý ǵana qaldy. Nátıjesinde, bıyl joǵaryda atalǵan eldi mekender tabıǵı gazben tolyq qamtylatyn bolady. Sóıtip, 2023 jyldyń qorytyndysymen, Turan aýdanynyń tabıǵı gazben qamtylý kórsetkishi 99 paıyzǵa jetedi.
Aýmaqtyq ákimshilikte qazirgi tańda 41 mektep bar. Oǵan qosa bıylǵy jyly Aqjar eldi mekeninen 600 oryndyq mektep salynaıyn dep otyr. Bul bilim oshaǵynyń qurylysy 2024 jyly aıaqtalady. Sonymen qatar kelesi jyly Jańatalap eldi mekeninde 600 balaǵa arnalǵan jaıly mekteptiń irgesi qalanyp, ol arǵy jyly paıdalanýǵa beriledi. Al emhana qurylysy boıynsha aıtsaq, Qursaı eldi mekeninde jeke ınvestor esebinen jańadan 450 oryndyq emhana boı kóteredi. Bıylǵy jyldyń naýryz aıynda bastalǵan onyń qurylysy 2024 jyly aıaqtalady dep jospar quryp otyr.
О́z kezeginde «Azamattarǵa arnalǵan úkimet» memlekettik korporasııasynyń» Shymkent qalasy boıynsha fılıaly jańadan qurylǵan besinshi aýdan turǵyndaryna HQO-da kórsetiletin memlekettik qyzmetter tolyq kólemde qoljetimdi ekenin habarlaıdy. Sondaı-aq Qarjy mınıstliginiń Memlekettik kirister komıteti Shymkent qalasy boıynsha Memlekettik kirister departamentiniń Turan aýdany boıynsha Memlekettik kirister basqarmasy da óz jumysyn bastady. Budan bólek memlekettik kirister departamenti tarapynan tirkelgen salyq organynyń kody berildi. Endi Turan aýdanynyń turǵyndary kez kelgen HQO-ǵa baryp, barlyq memlekettik qyzmetterdi kedergisiz ala alady.
Turan aýdanynyń ákimi búginge deıin birneshe eldi mekendi aralap, turǵyndarmen kezdesti. Sondaı júzdesýlerdiń biri Qursaı eldi mekeninde ótti. Oǵan aýdan ákimi apparatynyń sala mamandary, quzyrly organ men kommýnaldyq mekeme basshylary qatysty. Joǵaryda aıtylǵandaı, eldi mekende aýyz sý qurylysy aıaqtalyp, abonentteý jumystary júrip jatyr. О́z kezeginde turǵyndarynyń ótinishine qaraı qubyr salý úshin qazylǵan kóshelerdiń barlyǵy merdiger mekeme tarapynan qaıta qalpyna keltiriletin bolady. Sonymen qatar 13 kóshege ortasha jóndeý jumystary júrgizilip, 40 kóshege shaǵal tas tóseledi. Jalpy, eldi mekendegi ınfraqurylym máselesi ret-retimen sheshimin taýyp keledi.
Aýdan ákimi Jańatalap eldi mekeniniń halqymen de kezdesti. Turǵyndar ótinishine oraı munda halyqty sapaly elektr energııasymen qamtý máselesi qolǵa alyndy. Jaýapty mekeme qalalyq energetıka jáne ınfraqurylymdy damytý basqarmasy tarapynan qurylys jumystary uıymdastyrylyp, byltyr tolyq aıaqtalǵanymen, merdiger kompanııa keıin qosymsha transformatorlardyń saqtandyrǵysh-ızolıatorlaryn aýystyryp berdi. Jıynda sóz bolǵan máselelerdiń biri, bıylǵy jyldyń josparyna sáıkes, Ábdiraıymov kóshesi jaryqtandyrylatyn boldy.
«Kezdesý barysynda aıtylǵan ózge de kóshelerdiń qajettiligin zerttep, tıisti jumystar atqarý boıynsha tapsyrma berdim. Birinshi kezekte shaǵyn aýdandardaǵy áleýmettik nysandar ornalasqan jáne qoǵamdyq kólikter qatynaıtyn ortalyq kósheler jaryqtandyrylady. Bul baǵytta Jańatalap eldi mekeninde atqarylatyn jumys jospary meniń baqylaýymda», dedi Boranbaı Býlatbekov.
Sonymen birge jýyrda Turan aýdany aýmaǵyndaǵy barlyq eldi mekender men shaǵyn aýdandarda senbilikter uıymdastyryldy. Atalǵan is-shara barysynda jurt jappaı aýlalar men saıabaqtarǵa jáne kóshe boılaryna tal-daraqtar ekti, nátıjesinde 4 myń túp kóshet otyrǵyzyldy. Osy rette aýdan basshysy senbilik – qorshaǵan ortany qoqys qaldyqtarynan tazartyp, aǵash kóshetterin otyrǵyzyp halyqty aýyzbirshilikke shaqyratyn ıgilikti is ekenin aıtty. Sondyqtan kógaldandyrý, tazalyqty saqtaý jumystaryn Turan aýdany ákimdigi árdaıym basty nazarda ustamaq.
Budan bólek jańa ákimshilik aýmaqta jalpy sany 296 balalar oıyn alańshasy bar. «Halyq qatysatyn bıýdjet» jobasy aıasynda 2023 jyly Turan ákimdigi 10 balalar oıyn alańshasyn salýdy kózdep otyr. Munymen qosa jańadan 4 ashyq sport alańshasy da boı kóteretin bolady.
ShYMKENT
