Jetisý aýdanynyń turǵyndary aýdan ákimdigine shaǵymdanǵan. Olardyń aıtýynsha, 13 naýryzda aýdanda úlken eski aǵash qulap, qorshaýlardy, úılerdi jáne eki kólikti zaqymdaǵan. Olar aýdan ákimdigine 2020 jylǵy mamyrdan bastap osy aǵashty kesý nemese kesýge ruqsat berý týraly ótinish jazǵan eken. Alaıda turǵyndardyń aıtýynsha, barlyq ótinish eskerýsiz qalǵan.
Almaty ákimdigi Velıkolýkskaıa 67 mekenjaıy boıynsha 13 naýryz, dúısenbide jeke aýmaqta ornalasqan jáne eki avtomobılge, qaqpaǵa, gaz qubyryna zııan keltirgen aǵashtyń (Qyzyl kitapqa engen emen) qulaý deregi anyqtalǵanyn habarlady.
Rasynda, aýdan ákiminiń apparatyna 2020 jyldyń 20 shildesinde A.A. Asanovtan aǵashty sanıtarlyq kesý týraly hat kelgen. О́tinish bildirgen turǵynǵa jasyl ekpe jeke aýmaqta ornalasqandyqtan sanıtarlyq kesý nemese kesý jumystaryn óz betimen júrgizý kerektigi týraly jaýap berilgen.
2023 jylǵy 17 qańtardaǵy jasyl ekpelerdi kútip-ustaý jáne qorǵaý erejeleri jeke turǵyn úılerdiń aýmaqtaryndaǵy, saıajaılardaǵy jasyl jelekterge qoldanylmaıtyny atap ótildi. Aǵashty kesý ruqsatty qajet etpeıdi jáne ony jer ıesi ózi jasaýy kerek.
Ákimdiktegiler aǵash ósken jerdiń ıesi keltirilgen shyǵyndy óteýi kerek dep qosty.
