Ol Astana qalasyndaǵy Qonaev kóshesi, 6-úıde ornalasqan №110 saılaý ýchaskesinde daýys berdi.
Erlan Qoshanovtyń aıtýynsha, saılaý joǵary deńgeıde uıymdastyrylǵan. Halyq belsendi túrde daýys berip jatyr. Bul rette ol saılaýdyń ádil ótetinine senimdi. Daýys berý barysyn baqylaýshylar, sonyń ishinde halyqaralyq baıqaýshylar baqylaıdy.
«Májilis tóraǵasynyń kim bolatynyn saılanǵan depýtattar sheshedi. Jańa Parlamentte kimniń bolatynyn halyq sheshedi», dedi Erlan Qoshanov.
Ol sondaı-aq Qazaqstannyń ár óńirindegi turǵyndardyń ne týraly jıi shaǵymdanatynyn aıtty.
«Olar jaqsyraq ómir súrgisi keledi. Bizge qoıylǵan suraqtardyń kópshiligi jergilikti atqarýshy organdardyń quzyretine jatady. Meniń buǵan kózim jetti, bul joldar, sýmen qamtamasyz etý, kóptegen qarapaıym turmystyq máseleler», dep qosty ol.
Buǵan deıin habarlanǵandaı, respýblıka boıynsha barlyq 10 146 saılaý ýchaskesi jáne Qazaqstan Respýblıkasynyń shet memleketterdegi ókildikterindegi 18 saılaý ýchaskesi daýys berýdi bastady. Sheteldegi 59 saılaý ýchaskesi ýaqyt beldeýindegi aıyrmashylyqty eskere otyryp, daýys berýdi endi bastaıdy.
