«Áleýmettik jelilerde taralyp jatqan saılaý ýchaskeleriniń qorytyndy hattamalary boıynsha vıdeorolıkterdiń shyndyqqa janaspaıtynyn habarlaımyn. Vıdeorolıkte kórsetilgen qujattar myjylǵan jáne olarda eshqandaı qoltańba men mór qoıylmaǵan. Rolıkte kórsetilgen málimetterdi taza arańdatýshylyq dep esepteımin. Hattamalar tek saılaý qorytyndysyna sáıkes toltyrylady jáne nátıjesi jarııalanady. Osy is tıisti organdar tarapynan tekserilip, quqyqtyq baǵasy beriletin bolady», dedi ol.
Osy oraıda Shymkent qalalyq aýmaqtyq saılaý komıssııasy tóraǵasynyń orynbasary Almasbek Mamytbekov saılaý kezinde qandaı da bir óreskel zań buzýshylyqty baıqaǵan azamattar prokýratýraǵa, polısııaǵa jáne saılaý komıssııasyna shaǵym túsirýge quqyǵy bar ekenin jetkizdi.
QR Parlamenti Májilisi men máslıhattar depýtattarynyń saılaýynda Shymkent qalasynan 330 saılaý ýchaskesi ashylyp, onda 639 663 saılaýshy tirkelgen. Sonymen birge saıası dodanyń ótý barysyn baqylaýǵa TMD-dan 8, EQYU-dan 24 baıqaýshy keldi.
