Jýrnalısterge joǵary jaýapkershilik júkteledi

Qazaqstan Respýblıkasynyń Memlekettik hatshysy Ádilbek Jaqsybekov eldiń úzdik jýrnalısterine Qazaqstan Respýblıkasy Prezıdentiniń BAQ salasyndaǵy syılyǵy men granttaryn tapsyryp, Alǵysyn jarııalady. Qazaqstan Respýblıkasynyń Memlekettik hatshysy eli­miz­diń buqaralyq aqparat qural­dary ókilderin kásibı mere­kesi – Baılanys jáne aqparat qyz­metkerleri kúnimen quttyqtap, otandyq jýrnalıstıkanyń ba­symdyǵy bar mindetteri el bas­shylyǵy qoıǵan maqsattarǵa jetý úshin qazaqstandyqtardy uıys­tyrý, biryńǵaı qazaqstandyq jal­pyulttyq birlikti qalyptastyrý, patrıotızmdi nyǵaıtý bolyp tabylatynyn atap ótti. – «Qazaqstan-2050» Strate­gııa­synda Prezıdent Nursultan Nazar­baev bizdiń damýymyzdyń buljymas sharty qoǵamdyq keli­simdi saqtaý jáne nyǵaıtý ekenin aıtty. Bul oraıdaǵy aıryqsha jaýapkershilik buqaralyq aq­parat quraldaryna júkteledi, – dedi Memlekettik hatshy. Á.Jaqsybekov otandyq bu­qaralyq aqparat quraldarynyń jumysy zamanaýı talaptarǵa saı bolýy kerektigine de toqtaldy. – Qazaqstannyń buqaralyq aqparat quraldary óziniń qa­lyp­tasý kezeńinen tabysty ótti. Biraq qazirgi zamanǵy jaǵdaılar olardyń aldyna sońǵy álemdik trendterdi eskere otyryp sapaly jańarý mindetin qoıyp otyr. Aqparattyq tehnologııalar, ınternet jáne áleýmettik jeliler aqparat jetkizýdiń tásilin jáne BAQ-tyń qoǵamdaǵy rólin ózger­týde. Qazaqstannyń medıa-keńis­tigine sońǵy úderisterdi ańǵaryp qana qoımaı, solarǵa sáıkes ıkem­dele bilýdiń mańyzy zor, – dep atap kórsetti Memlekettik hat­shy. Á.Jaqsybekov, sondaı-aq, qazirgi medıa-keńistikte júrip jatqan ózgeristerge qaramastan, otan­dyq buqaralyq aqparat qural­darynyń shynaıylyq pen naq­­tylyq sekildi túpki qaǵıdat­tary saqtalýy tıistigin de aıtyp ótti. Qazaqstan Respýblıkasy Prezıdentiniń syılyǵy «Jas qazaq» gazetiniń bas redaktory S.Smaıylǵa, «Vremıa» gazetiniń bas redaktory L.Tarakovqa beril­di, granttary «KTK» telear­nasynyń Astanadaǵy tilshi­ler bıýrosynyń jetekshisi Iа.Kra­sıenkoǵa, «Qazaqstan» ulttyq tele­arnasynyń tilshisi J.Tóle­mi­sovaǵa tapsyryldy. Qazaq­stan Respýblıkasy Pre­zıden­tiniń Alǵysy «Aıǵaq» te­lera­dıokompanııasynyń, «Kaz­kon­tent» aksıonerlik qoǵamynyń, «Kore ılbo» gazetiniń, «Mır» Memleketaralyq kompanııa­synyń Qazaqstan Respýblı­ka­syndaǵy ulttyq fılıalynyń shyǵarmashylyq ujymdaryna jarııalandy. Saltanatty rásim sońynda Memlekettik hatshy BAQ ókil­deriniń jumystaryna shyǵar­ma­shylyq tabys tiledi jáne jýrnalıstik sheberlikti udaıy jetildire otyryp, elde bolyp jatqan mańyzdy oqıǵalardyń ortasynda bolýǵa shaqyrdy. Bıyl aqshalaı marapattyń jalpy qory – 7 mıllıon 408 myń teńge. Syılyq laýreattary 2 mıllıon teńge, grant ıegerleri 1 mıllıon 700 myń teńgeden astam qarajat ıelendi. Aıgúl SEIILOVA, «Egemen Qazaqstan».