Osydan 11 jyl buryn Qaraǵandy turǵyny Sofııa Bodnarchýk Fransııa Respýblıkasyna attanyp, sol eldiń azamatyna turmysqa shyqqan. Biraq 2016 jyly onyń jubaıy Sofııa men eki jasar qyzynyń kózinshe óz ata-anasyn atyp óltirgen.
Oqys jaǵdaıdan keıin Qazaqstan azamatshasy bes jarym jylǵa jýyq ýaqytyn fransýz túrmesinde ótkizdi. Oǵan bul iste sybaılas boldy degen aıyp taǵyldy. Sot prosesinde kúıeýiniń týystary jaldaǵan 6 advokat Sofııa Bodnarchýkke qarsy sóz sóıledi.
Bul rette Sofııaǵa otandastary qoldaý bildirip otyrǵan. Keıin bul iske bilgili zańger Edýard Marsıal kiristi.
«Men jalǵyz qaldym. Ne fransýz tilin, ne bul eldiń zańdaryn bilmeımin. Degenmen meni elshilik ókilderi qoldady. Burynǵy elshi Jan Ǵalıev pen zań keńesshisi Rústem О́mirzaqovqa alǵysymdy bildiremin. Qıyn kezeńde olar maǵan qoldaý kórsetti, sot prosesterinde boldy», dedi Sofııa Bodnarchýk.
Advokat Edýard Marsıaldiń aıtýynsha, ádiletsiz úkimniń basty sebebi – ózgelerdiń nemquraıdylyǵy.
«Aıyptaýshy tarap ony sybaılas retinde qarastyryp, aıǵaqtarǵa senimsizdik tanytty. Olar Sofııa baı fransýzdyń múlkin ıemdenbek bolǵan dep oılady. Osylaısha, sot úkimimen 20 jylǵa bas bostandyǵynan aıyryldy. Bul men úshin kútpegen sheshim boldy. Men qaı jerde, qandaı aǵattyq jibergenimdi túsinbedim», dedi advokat.
Alaıda, sońynda is Sofııa Bodnarchýktyń paıdasyna sheshildi. Endi Fransııa tarapy ádiletsiz úkimnen keltirilgen zalaldy óteýi tıis.
Aıta ketsek, óziniń kinásizdigin dáleldegen Sofııa endi ata-ana quqyǵyn qaıtarýǵa nıetti.
