Oqýǵa qushtar ult

Jıyn barysynda pán muǵa­limderi kópshilikke «Oqýǵa qush­tar mektep» jobasy boıynsha ja­saǵan ádistemelerin tanystyryp, óz tájirıbelerimen bólisti. Al sheberligi tolysqan bilikti us­tazdar jas mamandarǵa arnap pano­ramalyq sabaq kórsetti.

Semınar Ulystyń uly kúnine arnalǵan merekelik sharaǵa ula­syp, mektep aýlasynda boı kó­tergen etnoaýylda ulttyq oıyn­dar, teatr­landyrylǵan kó­ri­nis­ter qoıyldy. Mundaǵy aq shań­qan kıiz úıdiń janynda óne­rpaz oqýshylar men us­­tazdar án-kúıden shashý shashyp, mereke qonaqtary ulttyq ta­ǵam­dardan aýyz tıdi. Jańa kún­niń jarshysy – Qydyr ata kóp­sh­likti quttyqtap, aq batasyn berdi.

– Merekelik shara barysynda semınarǵa qatysqan ustazdar men jas mamandarǵa alǵys hattar men sertıfıkattar tabys etildi. Oqýshylar arasyndaǵy bilim saıystary da mazmundy ótti. Shá­kirtter ózderi tańdaǵan aqyn-jazýshynyń shyǵarmashylyǵy jóninde áńgime aıtýdan jarys­ty. Sondaı-aq Ybyraı, Abaı, Ah­met atalarymyzdyń óleńderin mánerlep oqý boıynsha saıysqa tústi. Qazaqtyń salt-dástúri men ádet-ǵuryptary da kórinis taýyp jatty. Mysaly, maǵan oqýshylar sah­nalaǵan qazaqtyń balaǵa at qoıý rásimi unady, – deıdi qa­lalyq bilim bóliminiń mamany Janar Jumaǵulova.

Qostanaı oblysy