Qorǵanys mınıstriniń orynbasary general-leıtenant Sultan Kamaletdınov bastaǵan aqparattyq-túsindirý toby elimizdiń batys, shyǵys óńirlerindegi jeti garnızonda bolyp, birqatar kezdesý ótkizdi.
Jumys sapary barysynda mınıstrdiń orynbasary merzimdi qyzmet sarbazdarymen, kelisimshart boıynsha áskerı qyzmetshilermen jáne olardyń otbasy múshelerimen, áskerı zeınetkerler men Qarýly Kúshterdiń ardagerlerimen kezdesip, áskerı qyzmetshilerdi turǵyn úımen, medısınalyq jáne zeınetaqymen qamsyzdandyrý máseleleri boıynsha túsiniktemeler berdi. Sonymen qatar Úkimet janyndaǵy jumys tobynyń zeınetaqy zańnamasyn jetildirý jónindegi qyzmetiniń nátıjelerin jetkizdi.
Úkimet janyndaǵy bul jumys toby Qaýipsizdik Keńesiniń otyrysynda berilgen tapsyrmalarǵa sáıkes áskerılerdi zeınetaqymen qamsyzdandyrý máselelerin pysyqtaıdy. Ol 1998 jyldyń birinshi qańtarynan keıin shaqyrylǵan jáne 2016 jyldyń birinshi qańtarynan keıin jumystan shyǵarylǵan áskerı qyzmetshilerge zeınetaqyny ındeksteý máselelerin aldyn ala oń turǵydan qarastyrdy. Kelisimshart merzimi aıaqtalǵannan keıin qyzmetten bosatylǵan, bul úshin jetkilikti eńbek sińirgen jáne eńbek ótili bar áskerı qyzmetshilerge zeınetaqy tólemderin alý quqyǵyn berý máseleleri sheshiledi. Qazirgi ýaqytta Áleýmettik kodeks jobasyna áskerı zeınetkerlerge turǵyn úı jaǵdaılaryn jaqsartýǵa jáne emdelýge aqy tóleýge tolyq kólemde zeınetaqy jınaqtarynyń qaldyqtaryn birjolǵy paıdalaný quqyǵyn berý múmkindigi týraly tolyqtyrýlar engizildi.
Áskerı qyzmettiń bedelin arttyrý úshin de naqty qadamdar jasaldy. О́tken jyly Qarjy naryǵyn retteý jáne damytý agenttigimen áskerı qyzmetshilerge merzimdi áskerı qyzmet ótkerý kezeńinde banktik qaryzdar men mıkronesıeler boıynsha tólemderdi keıinge qaldyrýdy usynatyn memorandýmǵa qol qoıyldy. Búgingi tańda merzimdi qyzmettiń jeti myńǵa jýyq sarbazy osy jeńildikti paıdalanyp otyr. Sondaı-aq Qorǵanys mınıstrligi elimizdiń 45 joǵary oqý ornymen kelisim jasasty. Osyǵan sáıkes merzimdi áskerı qyzmettiń belgilengen merzimin ótkergen azamattar eki jyl ishinde UBT tapsyrmaı joǵary oqý oryndaryna túse alady.
Sarbazdarmen áńgimelesken Qorǵanys mınıstriniń orynbasary olardyń bolashaq josparlarymen tanysyp, elimizdiń áskerı joǵary oqý oryndaryna túsý tártibi men oqý sharttary týraly aıtty. Ol oqý kezeńinde kýrsanttar tegin turyp, tamaqpen, zattaı járdemaqymen, medısınalyq qyzmetpen qamtamasyz etiletinin jáne stıpendııa alatynyn atap ótti. Qorǵanys mınıstrliginiń oqý oryndaryna túsý olarǵa mansaptyq ósý, sondaı-aq kóp deńgeıli bilim berý júıesi sheńberinde, onyń ishinde shetelde odan ári bilim alýǵa múmkindik beredi.
Álıhan Smaıylov Eýropalyq komıssııanyń vıse-prezıdentimen kezdesti
Saıasat • Búgin, 14:00
Messı PSJ-da sońǵy oıynyn ótkizedi
Fýtbol • Búgin, 13:31
О́zbekstan men Qazaqstan arasynda áýe reısi ashylady
Qoǵam • Búgin, 12:35
Áleýmettik-mádenı damý komıtetiniń keńeıtilgen otyrysy ótti
Saıasat • Búgin, 11:33
Prezıdent Úndistan Premer-mınıstrine kóńil aıtý jedelhatyn joldady
Prezıdent • Búgin, 11:11
Suńǵat Jubatqan Gran-prı týrnırinde qola júlde aldy
Sport • Búgin, 10:47
Uqsas jańalyqtar
Onlaın 
