Áleýmettik medısınalyq saqtandyrý qory Astana qalalyq fılıalynyń habarlaýynsha, atalǵan ortalyq dárigerleri kóptegen klınıkalyq taldaý júrgize kele, naýqastyń oń jambasynyń osteotomııasyn túzetip, blokatorlyq plastınkamen sıntez jasaýǵa, eki jilinshiginiń súıekteriniń osteotomııasyn túzetýge, qursaýlaıtyn ózekshemen osteosıntezdeýge sheshim qabyldady. Uzaq ońaltýdan keıin ol aıaǵynan turdy. Emdeý MÁMS júıesi aıasynda júrgizildi.
Qyzylordalyq 25 jastaǵy naýqastyń eki aıaǵynyń aýyrý tarıhy bala kezinen bastalǵan eken. Ol óz aıaǵymen júrgisi keletinin aıtyp, kómek surap 2014 jyly alǵash ret elordadaǵy travmatologııa jáne ortopedııa ortalyǵyna kelgen. Oǵan bul jerde konservatıvti em júrgizilgen.
№2 ortopedııa bólimshesiniń emdeýshi dárigeri Áset Nurahmetovtiń aıtýynsha, tekserý kezinde naýqas múgedekter arbasynyń kómegimen qozǵalatyn. Eki jilinshiktiń jáne oń jambastyń pishini óreskel ózgergeni, kóp jazyqty deformasııasy, eki aıaqtyń bulshyq etteriniń gıpotrofııasy baıqalatyn edi.
«Naýqas bala kezinen bastap týabitti osteogenez kemistigimen, eki aıaqtyń kóp jazyqty deformasııasymen aýyrǵan. Patologııalyq syrqat saldarynan aıaqtary birneshe ret synǵan. Ortalyq dárigerleri pasıenttiń jaǵdaıyn egjeı-tegjeı teksere kele qabyldaǵan emsharanyń nátıjesinde, uzaq ońaltýdan keıin ol óz aıaǵyna turdy», dep túsindirdi Áset Asqaruly.
О́z kezeginde dertine daýa tapqan naýqas joǵary bilikti dárigerdiń eńbegin erekshe baǵalap, zor alǵysyn jaýdyrdy.
«Akademık N.J.Batpenov atyndaǵy ortalyq dárigerleriniń arqasynda, MÁMS septigimen jyldar boıy ońaltýdan ótip, qazir óz aıaǵymmen júremin. Meni aıaǵyma turǵyzǵany úshin ómir boıy alǵys aıtamyn. Qazir belsendi ómir saltyn ustanamyn, bı bılep, tipti sahnada án aıtamyn», dep qýanyshymen bólisti qyzylordalyq azamat.
Qazirgi tańda ol turǵylyqty jeri boıynsha emhanadaǵy travmatolog dárigerdiń baqylaýyna aýysqan.
Bul rette Áleýmettik medısınalyq saqtandyrý qorynan medısınalyq qyzmet kórsetýge qomaqty qarajat bólinetinin aıta ketken jón. Jyl saıyn medısınalyq saqtandyrý esebinen travmatologııa, neırohırýrgııa, kardıohırýrgııa, ýrologııa, onkologııa jáne basqa da salalar boıynsha júzdegen qymbat operasııa jasalady. Mysaly, 2022 jyly elordada joǵary tehnologııalyq medısına kómegimen 7 885 operasııa jasaldy. Osyndaı bir ǵana kúrdeli operasııanyń quny orta eseppen birneshe mıllıon turýy múmkin.
Sonymen qatar MÁMS júıesinde kórsetiletin qyzmetterdiń ishindegi basym baǵyttardyń biri – ońaltý sharalary. Jyl ótken saıyn halyqqa medısınalyq qyzmet kórsetetin jekemenshik mekemelerdiń úlesi artyp jatyr. Medısınalyq apparattar sany, emdeý tásilderi kóbeıýde. Astanada 2022 jyly ońaltý kómegine 7,7 mlrd teńge jumsaldy. Al 2023 jyly ońaltý qyzmetine bólingen qarjy 9,2 mlrd teńgeni quraıdy.
Oraıy kelgende aıta ketý kerek, atalǵan qor sarapshylary tegin medısınalyq kómektiń kepildik berilgen kólemi (TMKKK) aıasynda jáne mindetti áleýmettik medısınalyq saqtandyrý (MÁMS) júıesinde medısınalyq kómek alý jóninde keńes beredi, qajet bolǵan jaǵdaıda máseleni sheshý úshin medısınalyq uıymnyń mamandaryn jumyldyrady.
