Ekonomıka • 27 Naýryz, 2023

Memlekettik satyp alýǵa qatysty jańa shartty jeńildik engizildi

Qarjy mınıstrligi barlyq memlekettik satyp alýǵa qatysatyn jekelegen iri kompanııalardyń monopolııalyq jaǵdaıyn tómendetý úshin jańa shartty jeńildiktiń ólshemsharttaryn engizdi, dep habarlaıdy Egemen.kz Qarjy mınıstrliginiń baspasóz qyzmetine silteme jasap.

Aıtolǵan JÚNISHAN

Jańashyldyqtar qurylys naryǵyn monopolııasyzdandyrýǵa jáne básekelestikti damytýǵa baǵyttalǵan.

Endi shartty jeńildikterdi esepteý kezinde aýmaqtyq belgi jáne teris mánder túrindegi qosymsha ólshemsharttar eskeriledi.

Jumystardy oryndaý aýmaǵynda tirkelgen ónim berýshige 1 paıyz mólsherinde shartty jeńildik beriledi.

Aýmaqtyq belgi qurylyspen baılanysty emes jumystar (tehnıkalyq-ekonomıkalyq negizdemeni, jobalaý-smetalyq qujattamany ázirleý jáne vedomstvodan tys keshendi saraptama jónindegi jumystardy qospaǵanda) jáne qurylys-montajdaý jumystary boıynsha 400 myń AEK-ke deıingi memlekettik satyp alýǵa qoldanylady.

Oryndaýynda memlekettik satyp alý týraly sharty bar áleýetti ónim berýshiden árbir shart úshin jalpy shartty jeńildiktiń 0,1 paıyzy alynady.

Teris mánder qurylys-montajdaý jumystaryna, vedomstvodan tys keshendi saraptama, TEN, JSQ ázirleý jónindegi jumystaryna jáne ınjınırıngtik qyzmetterge qoldanylady.

Memleket basshysynyń qurylys naryǵyn monopolııasyzdandyrý boıynsha tapsyrmasy sheńberinde atqarylyp jatqan jumys memlekettik satyp alý kólemin birkelki jáne ádil bólýge, shaǵyn jáne orta bıznestiń damýyna múmkindik beredi jáne óńirlerde salyq túsimderin ulǵaıtýǵa yqpal etedi.

Atalǵan ólshemsharttar Qarjy mınıstrliginiń 2023 jylǵy 1 naýryzynda № 225 buıryqpen (ÁM-de 02.03.2023 j. № 31994 bolyp tirkelgen) qabyldandy.