Bul jarystardyń birinshi aınalymynda qazaqstandyq shahmatshy jergilikti sportshy Rameshbaba Vaıshalıden basym túsip, 1 upaı jınap, Gran-prı kóshbasshylarynyń tizimine endi.
Aıta keteıik, bul jarystar uıymdastyrýshylardyń túsinbeýshiligi men qateliginen josparlanǵan kesteden bir kúnge kesh bastaldy. Osyǵan baılanysty eki qatysýshy týrnırge qatysýdan bas tartty: Jansaıa Ábdimálik (Qazaqstan) jáne Elızabet Pets (Germanııa).
Nıý-Delıdegi týrnırge osy saǵatqa josparlanǵan 12 shahmatshynyń ornyna 10 qyz qatysyp jatyr. Sharany uıymdastyrýshylar Gran-prıdiń 3-kezeńiniń kestesin shuǵyl ózgertti. Bıbisara Assaýbaeva ekinshi raýndta oıynǵa shyǵyp, jarys ıesin jeńdi. 28 naýryzda qazaqstan shahmatshysy grýzındik Nıno Basıashvılımen oınaıdy.
