Aqmola oblysy boıynsha sybaılas jemqorlyqqa qarsy is-qımyl departamenti baspasóz qyzmetiniń málimetinshe, 27 naýryzda Kókshetaý qalalyq soty aıyptaý úkimin jarııalady.
«Kókshetaý qalasynyń polısııa basqarmasy bastyǵynyń burynǵy orynbasary, polısııa maıory kásipkerdiń 49 700 AQSh dollary kólemindegi aqshalaı qarajatyn alaıaqtyq jolmen ıemdengeni jáne ony basqa organ tergep jatqan qylmystyq isti toqtatý úshin para berýge ıtermelegeni úshin kináli dep tanyldy», dep habarlady vedomstvodan.
Sottalýshy 8 jyl 6 aıǵa bas bostandyǵynan aıyryldy. Ol óz jazasyn qaýipsizdigi ortasha túzetý mekemesinde óteıdi.
Ol sondaı-aq ómir boıyna memlekettik qyzmette jáne kvazımemlekettik sektor sýbektilerinde qyzmet atqarý quqyǵy men «polısııa maıory» arnaıy ataǵynan aıyryldy.
