«Almaty jastary» baǵdarlamasy 2017 jyldan beri iske asyrylyp keledi. Búginde baǵdarlama boıynsha 35 jasqa deıingi naqty bir salada jumys isteıtin jastarǵa nesıe beriledi. Byltyr baǵdarlamaǵa bilim berý, densaýlyq saqtaý, BAQ, quqyq qorǵaý organdary, mádenıet, sport, JOO men ǴZI, áleýmettik sala mamandary qatyssa, bıyl qyzmet salalaryna ózgerister engiziledi dep josparlanǵan.
– 2017 jyldan bastap qalamyzda «Almaty jastary» jeńildetilgen baǵdarlamasy júzege asyp jatyr. Ol barlyq óńirde aımaqtyq baǵdarlamalardyń iske qosylýyna negiz boldy. «Elorda jastary», «Alataý jastary» baǵdarlamalary bar. Munda ár aımaqta nesıe berý sharttary ártúrli. Baǵdarlamaǵa qatysatyn byltyrǵy sala qyzmetkerleri bıyl tizimge kiredi dep oılaımyz. Bıyl bilim berý men densaýlyq saqtaý salalary boıynsha lımıt ulǵaıǵan soń nesıe beriletin adam sany da artty. Baǵdarlama sharttaryna kelsek, bastapqy jarna – 10 paıyz, mólsherleme – 5 paıyz, nesıeleý somasy byltyrǵydaı 18 mıllıon teńge bolýy múmkin, – dedi D.Túsipova.
Onyń aıtýynsha, turǵyn úı baǵdarlamasy boıynsha bir nesıeniń shekti mólsheri ózgermeıdi. Iаǵnı 18 mıllıon teńge bolyp qalýy múmkin.
– Qala ákimdigi men Otbasy bankinen 20 mıllıard teńge bólinip otyr. Osy somanyń aıasynda 1100 jas mamanǵa jeńildetilgen nesıe beriledi. Baǵdarlamanyń bastalýy men sharttary týraly aqparatty qosymsha habarlaımyz. Qazir kelisimshart jasalynyp, ótinim qabyldaıtyn saıt ázirlenip jatyr, – dedi «Otbasy bank» AQ Almaty fılıalynyń dırektory.
Aıta keteıik, byltyr turǵyn úı baǵdarlamasy aıasynda myń adamǵa ıpotekalyq nesıe berý úshin 18 mlrd teńge bólingen bolatyn. Bul jobamen baspanaly bolý úshin qalada turaqty tirkelý mindetti emes.
