«Úgit-nasıhat kezeńin jáne daýys berý barysyn aqparat quraldary jan-jaqty kórsetti. Partııalarǵa, úmitkerlerge birdeı múmkindik berildi. Muny otandyq jáne sheteldik baıqaýshylar da aıtyp otyr. Qandaı da bir saıası uıymǵa artyqshylyq berilgen joq. Prezıdent eshbir partııanyń múshesi emes. Oblys ákimderi partııa bólimshelerine jetekshilik etpeıdi. Joǵary laýazymdy qyzmetkerler partııa tiziminde bolǵan joq. Iаǵnı, barlyq partııalar saılaýǵa birdeı jaǵdaıda qatysty», dedi Memleket basshysy.
Onyń aıtýynsha, bul joly saılaýshylar da, úmitkerler de aıryqsha belsendi boldy.
«Saıası partııalar ár aımaqta el nazaryn ózine aýdarý úshin tartysqa tústi. Birneshe ret tikeleı efırde partııalar arasynda qyzý jáne tıimdi pikirtalas boldy. Bul – demokratııalyq qoǵam úshin qalypty úrdis. Munyń bári Qazaqstanda ashyq azamattyq qoǵamnyń nyǵaıyp kele jatqanyn kórsetti», dedi Prezıdent.
