Taǵaıyndaý • 30 Naýryz, 2023

Álıhan Smaıylov Premer-mınıstr laýazymynda qaldy

Memleket basshysynyń Jarlyǵymen Álıhan Ashanuly Smaıylov Qazaqstan Respýblıkasynyń Premer-mınıstri laýazymyna taǵaıyndaldy, dep habarlaıdy Egemen.kz Aqordanyń baspasóz qyzmetine silteme jasap.

Aıana TOǴANBEK

Erlan Qoshanov Memleket basshysymen kezdesýde Premer-mınıstr laýazymyna Álıhan Smaıylovty usyndy.

Qoldanystaǵy zańnamaǵa saı Memleket basshysy usynylǵan kandıdatýrany Májilistegi partııalardyń basqa fraksııalarymen talqylady.

Álıhan Smaıylov 1972 jyly Almaty qalasynda dúnıege kelgen. 1994 jyly ál-Farabı atyndaǵy Qazaq memlekettik ulttyq ýnıversıtetin «qoldanbaly matematıka» mamandyǵy boıynsha támamdaǵan. 1996 jyly QR Prezıdenti janyndaǵy Qazaqstan menedjment, ekonomıka jáne boljamdaý ınstıtýtynyń memlekettik basqarý magıstri dárejesine ıe boldy.

1993–1999 jyldary — «A-Invest» ınvestısııalyq–jekeshelendirý qorynyń bas mamany; bólim basshysynyń orynbasary, QR Ulttyq statıstıka agenttiginiń basqarma basshysy; QR Statıstıkalyq josparlaý jáne reformalar jónindegi agenttiginiń Statıstıka jáne taldaý komıteti tóraǵasynyń orynbasary; bas sarapshy, ekonomıka sektorynyń meńgerýshisi, QR Prezıdenti Ákimshiliginiń memlekettik ınspektory bolyp qyzmet atqarǵan.

1999–2003 jj. — QR Statıstıka agenttiginiń tóraǵasy.

2003–2006 jj. — QR syrtqy ister vıse-mınıstri, «Eksporttyq nesıeler men ınvestısııalardy saqtandyrý jónindegi memlekettik saqtandyrý kompanııasy» AQ basqarma tóraǵasy;

2006–2009 jj. — QR qarjy vıse-mınıstri, «QazAgro» UBH prezıdenti;

2009–2014 jj. — QR Statıstıka agenttiginiń tóraǵasy;

2014–2015 jj. — QR Ulttyq ekonomıka mınıstrliginiń Statıstıka jónindegi komıtetiniń tóraǵasy;

2015–2018 jj. — QR Prezıdentiniń kómekshisi;

2018 jylǵy qyrkúıekten bastap 2019 jylǵy aqpanǵa deıin — Qarjy mınıstri;

2019 jylǵy 25 aqpanda Prezıdent Jarlyǵymen Premer-mınıstrdiń Birinshi Orynbasary – Qarjy mınıstri qyzmetine taǵaıyndaldy;

2021 jyly 18 qańtarda QR Prezıdentiniń Jarlyǵymen osy qyzmetine qaıta taǵaıyndaldy;

2022 jylǵy 11 qańtarda QR Prezıdentiniń Jarlyǵymen QR Premer-mınıstri laýazymyna taǵaıyndaldy.