Búgin VIII shaqyrylymdaǵy Túrkistan qalalyq máslıhatynyń birinshi sessııasynyń otyrysy ótti. Kún tártibine segizinshi shaqyrylymdaǵy Túrkistan qalalyq máslıhatyn qurý, segizinshi shaqyrylymdaǵy Túrkistan qalalyq máslıhatynyń tóraǵasyn saılaý, segizinshi shaqyrylymdaǵy Túrkistan qalalyq máslıhatynyń turaqty komıssııalaryn qurý jáne tóraǵalaryn saılaý, Túrkistan qalalyq máslıhatynda depýtattyq fraksııany tirkeý máseleleri qoıyldy.
«Amanat» partııasynyń Túrkistan qalalyq fılıaly Saıası keńes Bıýrosynyń sheshiminiń negizinde berilgen usynys boıynsha ashyq daýysqa salý arqyly Sarsenbaev Ǵappar Amantaıuly máslıhat tóraǵasy bolyp saılandy.
Sondaı-aq sessııada ekonomıkalyq bıýdjet áleýmettik damý, ónerkásip, jáne kásipkerlik; Ákimshilik aýmaqtyq ornalastyrý, qurylys jáne kommýnaldyk qyzmet, depýtattyq ókildik jáne etıka; Áleýmettik qorǵaý, densaýlyq saqtaý, bilim, ǵylym, mádenıet, jastar isi, týrızm jáne sport; Tabıǵatty qorǵaý, ekologııalyq máseleler, quqyq buzýshylyqtyń aldyn alý men qoǵamdyq qaýipsizdikti qamtamasyz etý jónindegi turaqty komıssııalardyń quramy bekitildi.
