«Tumar» telebaǵdarlamalar baıqaýyna eki nomınasııa qosylady

Bul týraly Aqparat jáne qoǵamdyq damý mınıstriniń mindetin atqarýshy Darhan Qydyráli «Nauryz» ulttyq báıge keshinde aıtty.

«Búgingi baıqaýdy jyl saıyn ótkizýdi dástúrge aınaldyrýdy josparlap otyrmyz. «Nauryz» dep ataýymyzdyń sebebi – jyl saıyn naýryz aıynda ótken jyldyń qorytyndysyn shyǵaryp otyramyz. Teleserıaldarǵa bólek baıqaý jarııalaǵan soń, «Tumar» baıqaýyna anımasııalyq ónimder men derekti fılmderdi arnaıy engizemiz»,  dedi D.Qydyráli.

Sonymen qatar elimizde sońǵy jyldary kreatıvti ındýstrııa, teleserıaldar qarqyndy damyp kele jatqany atap ótildi.

«Qazir bizde san da, sapa da artyp keledi, qarajat jaǵyn da kóbeıtýdi qarastyryp otyrmyz. Qazir otandyq serıaldar ishki jáne syrtqy naryqta zor suranysqa ıe bolyp otyr. Buryn úndiniń «Kelinine» telmiretin kórermen qazir ózimizdiń «Kelinjan» men «Appaq kelindi» kóredi. Halyqaralyq jobalardy da arttyryp jatqanymyz belgili. Osynda shetelden – baýyrlas Túrkııadan, Ázerbaıjannan, Qyrǵyzstannan, О́zbekstannan kelgen mártebeli meımandarymyzǵa rızashylyǵymyzdy bildiremin. Bolashaqta bul eldermen ortaq jobalar jasaý bizdiń josparymyzda», dedi Darhan Qydyráli.