Sıfrlandyrý Qorǵanys salasynyń qyzmetin ońtaılandyrady

Eldegi sıfrlyq transformasııa sheńberinde Qorǵanys mınıstrligi qyzmettiń barlyq baǵyty boıynsha qajetti jumysty uıymdastyrýda. Sońǵy 2-3 jyl ishinde jergilikti áskerı basqarý organdaryn sıfrlandyrý is-sharalary júzege asyrylyp keledi. Áskerı komıssarıattardy sıfrlandyrýdyń negizine sıfrlyq formatqa kóshirýge, áskerı komıssarıattar júıesiniń jumys isteýine oń yqpal etetin is-sharalar bar. Ol qyzmettiń barlyq baǵyty boıynsha, onyń ishinde memlekettik qyzmetter kórsetý kezinde de bıznes-úderisterdi ońtaılandyrýdy qamtıdy. Jergilikti áskerı basqarý organdaryn sıfrlyq transformasııalaýdyń maqsaty – qyz­met­tiń tıimdiligin arttyrý, jumyl­dyrý resýrstaryn esepke alý sapasyn jaqsartý, olardy sıfrlandyrý jáne avtomattandyrý arqyly qyz­met­tiń barlyq baǵyttary boıynsha úderisterdi ońtaılandyrý.

Qorǵanys mınıstrligi atqarǵan jumystyń nátıjesi bastapqy kózder­den, ıaǵnı memlekettik organdardan qyzmet baǵyttary boıynsha málimet­ter alý esebinen adam jáne kólik resýrstaryn áskerı esepke qoıýdy tolyq avtomattandyrý bolyp otyr. Sonymen qatar Qorǵanys mınıstrligi elimizdiń azamattaryna qatysty jan-jaqty sıfrlandyrýdy da qarastyrady. Qazirgi ýaqytta ómirimizdi uıaly telefon, planshet nemese kompıýter sııaqty ártúrli qurylǵysyz elestetý múmkin emes. Sol sebepti zaman talabyna sáıkes keletin aqparatty jańa nysanda usyný qajettigi týyndady. О́tken jyldyń sońynda Sıfrlyq damý, ınnovasııalar jáne aeroǵarysh ónerkásibi mınıstrligi elde QR arqyly aqparattyq júıelerge qol jetkizý tetigin engizý týraly habarlaǵan bolatyn. Qorǵanys mınıstrligi de sıfr­landyrýdan tys qalmaıdy.

Qorǵanys mınıstrligi klıentke baǵdarlanǵan tásil saıasatyn eskere otyryp, el azamattarynyń qatysýy men qamtylýyn arttyrý, halyqty aqparattandyrý maqsatynda QR kómegimen halyqty aqparattandyrýǵa bolatyn ózindik aqparattyq panel ázirledi. Atalǵan QR-kodyn tujy­rymdamalyq turǵydan jańa dep ataýǵa bolmaıdy. QR-kod – bul shyndyq pen vırtýaldy álem arasyndaǵy baılanys túri. Osy­ǵan sáıkes QR-kodtar ashqan múmkin­dikter burynǵyǵa qaraǵanda áldeqaıda keńeıdi. Kez kelgen zamanaýı telefon nemese planshet QR-kodtan aqparatty birneshe sekýnd ishinde esh qıyndyqsyz oqı alady.

Qorǵanys vedomstvosy ázirlegen aqparattyq paneldiń arqasynda azamattar Qarýly kúshterdiń qury­lymy týraly bilýge múmkindik alady. Munda Shekara qyzmeti, Mem­lekettik kúzet qyzmeti, Ulttyq ulan, Tótenshe jaǵdaılar mınıstrligi sııaq­ty basqa áskerler men áskerı qura­lymdar týraly da jan-jaq­ty aqparat ornalastyrylǵan. Aza­mat­tar aqparatty telefondy nemese kompıýter-planshetti QR-kod­qa aparý arqyly ala alady. Son­daı-aq, qalasańyz, memlekettik organ­nyń emblemasynyń astynda orna­lasqan QR-kodty kórsete otyryp, ortalyq memlekettik organdardyń basshylyǵyna tikeleı júginýge de bolady. Sonymen qatar bul panel­de jergilikti áskerı basqarý organda­rynyń baılanys telefondary orna­las­tyrylǵan. Azamattar kez kelgen ýaqytta áskerı komıssarıattardyń baılanys nómirlerin taba alady. Sondaı-aq telefondar men mekenjaılardy Instagram akkaýntynan da tabýǵa bolady. Aqparattyq panelde jergilikti áskerı basqarý organdary kórsetetin birqatar memlekettik qyzmetter de ornalastyrylǵan. Iаǵnı aza­mattar osy nemese basqa mem­leket­­tik qyzmetterdi alǵysy kelse, mem­lekettik qyzmettiń janynda or­na­­lasqan QR-kodty kórsete ala­dy jáne olar tapsyrýǵa tıisti qujat­tar­dyń naqty tizbesi kórsetilgen EGOV paraqshasyna kire alady. Ári Egov-portaldyń osy betinde usy­nylǵan beıneprezentasııamen de tanysýǵa bolady. Sondaı-aq baqylaý taqtasynda biz merzimdi áskerı qyz­met­ke shaqyrý, kelisimshart boıyn­sha áskerı qyzmetke qabyldaý týraly aqparattar da ornalastyrylǵan.

Qorǵanys mınıstrligi aqparattyq panelderdi jergilikti áskerı basqa­rý organdarynan bólek, halyqqa qyz­met kórsetý ortalyqtarynda, jer­gi­likti atqarýshy organdarda, avto­býstarda jáne basqa jerlerde or­nalastyrýdy josparlap otyr. Osyn­daı máselelerdiń biri retinde áske­rı mindettiler men áskerge shaqy­rylýshylardy avtomatty formatta áskerı esepke qoıýdy jáne shyǵarýdy aýystyrý dep ataýǵa bolady. Iаǵnı kóshý kezinde, azamat memleket ishinde qonys aýdarǵan kezde, tirkelgen jergilikti áskerı basqarý organy avtomatty túrde áskerı esepke aýystyrady. Tehnıkalyq turǵydan alǵanda bul is-shara búginde iske asyrylyp jatyr. Qazirgi ýaqytta sáıkestendirý úshin normatıvtik-quqyqtyq aktige ózgeris engizý boıynsha tıisti jumystar júrgizilip jatyr.

«Árıne, eldiń sıfrlyq transformasııasy sheńberinde Qorǵanys mınıstrligi qyzmettiń barlyq baǵyty boıynsha qajetti jumystardy uıymdastyrady. Sońǵy 2-3 jyl ishinde jergilikti áskerı basqarý organdaryn sıfrlandyrý is-sharalary júzege asyrylyp otyr. Áskerı komıssarıattardy sıfrlandyrý, ıaǵnı qyzmettiń barlyq baǵyty boıynsha bıznes-úderisterdi, onyń ishinde kórsetiletin memlekettik qyzmetterdi yntalandyrýdy qamtıtyn jergilikti áskerı basqarý organdary júıesiniń jumys isteýin sıfrly formatqa aýystyrýǵa yqpal etetin is-sharalarǵa negizdelgen. Jalpy, sıfrlyq transformasııalar sheńberinde alǵa qoıǵan josparlarymyzdy aıta ketetin bol­saq, áskerı mindettiler men ás­ker­ge shaqyrylýshylardy áskerı esep­­ke avtomatty túrde qoıý. Bul má­se­­le bizde, tehnıkalyq turǵyda júze­­ge asyrylǵan. Qazirgi tańda mı­nıstr­lik tarapynan qoldanystaǵy zań­na­ma talataryna sáıkes keltirý ju­mys­tary júrip jatyr. Kelesi bir jańalyqtardyń biri – áskerı bılet­terdiń áskerı qyzmet ótkermegen aza­mat­tarǵa berilmeý máselesi. Ony bári­nen buryn áskerı qyzmettiń bede­lin kóterý dep sanaımyz», deıdi Qor­ǵa­nys mınıstrligi uıymdastyrý-jumyldyrý jumystary departamenti bastyǵynyń orynbasary Rýslan Omarov.