Oqıǵa 30 naýryz kúni Astana ýaqytymen saǵat 23:22 shamasynda bolǵan.
«Myna polısııa qyzmetkeri qashyp, óziniń iship alǵan mas qyzmetkerin sonsha dúıim halyqtan jasyryp júr. Qazir biz olardy ustap otyrmyz. Bulardyń da aýzynan ıis shyǵyp tur. Qazir narkodıspanserge aparamyz. Qarabulaq eldi mekeniniń Aqmyrzaev Asylbek degen basshy qyzmetkerin shaqyrdyq. Ol da keshigip kele almaı jatyr», deıdi vıdeo avtory.
Onyń sózinshe, kólikte úsh polısııa qyzmetkeri bolǵan, bári mas. Kadrlardan polısııaǵa jergilikti turǵyndardyń kóptep qysym jasaǵany baıqalady. Vıdeoda olardyń qashyp ketpek bolǵany aıtylǵan.
Túrkistan oblysynyń polısııa departamenti atalǵan fakti boıynsha departament basshysynyń tapsyrmasymen qyzmettik tekserý júrgizilip jatqanyn habarlady.
Búgin isti tártiptik komıssııa qaraıdy.
