5 oryn – ústel tenısi. Ústel tenısi jas ereksheligi men fızıkalyq daıyndyǵyna qaramastan jalpyǵa birdeı qoljetimdi sport túri. Búginde elimizde 8 myńǵa jýyq ústel tenısiniń úıirmesi jumys isteıdi. 242 myńnan astam adam atalǵan sport túrimen aınalysady.
4 oryn – jeńil atletıka. Tarıhy erte zamannan bastaý alatyn jeńil atletıka áli kúnge deıin tanymaldylyqqa ıe sport túri sanalady. Elimizde 7380 úıirme bar jáne 384 myńǵa jýyq adam jeńil atletıkamen shuǵyldanady.
3 oryn – basketbol. Qazaqstanda komandalyq sport túrlerine qyzyǵýshylyq óte joǵary. Máselen, elimizde 562 myńǵa jýyq adam basketbolmen aınalysady. Basketboldyń qyr-syryn úıretetin 11738 úıirme bar.
2 oryn – voleıbol. Mektep jasynan kópshiligimizdiń súıikti oıynymyzǵa aınalǵan voleıbolmen bizdiń elde 766 myń adam aınalysady. Qazaqstannyń barlyq óńirinde jasóspirimder men eresekterge arnalǵan 16 myńǵa jýyq úıirme jumys isteıdi.
1 oryn – fýtbol. Qazaqstandaǵy eń kóp qatysýshysy bar úıirme – fýtbol. 1 mln 63 myńǵa jýyq qazaqstandyq fýtbol oınaıdy. Olardyń qatarynda atalǵan sportpen kásibı túrde aınalysatyn qyz-jigitter de bar. Bolashaq fýtbol áleminiń juldyzdaryn jattyqtyryp, tárbıelep shyǵarý úshin elimizde 17 myńǵa jýyq úıirme jumys isteıdi. Sport jankúıerleriniń qyzyǵýshylyǵy óte joǵary boks úıirmelerine 126 myńǵa jýyq adam qatysady. Al, dzıýdomen 133 myńǵa jýyq sportshy aınalyssa, 116 myńǵa jýyq adam erkin kúrespen shuǵyldanady.
