«Ulttyq qaýipsizdik komıteti Shekara qyzmeti azamat Serik Myrzaqululy Kúdebaevtiń (01.01.1965j.t.) resmı jumys istep turǵan ótkizý pýnkteri arqyly Qazaqstan Respýblıkasynyń memlekettik shekarasynan ótpegenin habarlaıdy.
Búgingi kúni shektes memleketterdiń shekara ókilderi apparatymen birlese otyryp, tekserý taǵaıyndaldy.
Tekserý nátıjesi qosymsha habarlanatyn bolady», delingen habarlamada.
Eske salaıyq, Almaty oblystyq Polısııa departamentiniń burynǵy basshysy S.Kúdebaev 3 sáýir kúni saǵat 10:00-de sotqa jetkizilýi tıis edi. Alaıda, prokýror kúdiktini alyp kelý týraly qaýlyny oryndaý barysynda S.Kúdebaevtiń elden ketip qalǵany týraly málimet usynǵan.
«Búgingi tańda Qylmystyq-prosestik kodekstiń 324-babyna sáıkes, is izdeý jarııalanýyna baılanysty toqtatyldy. Is izdeýdi qadaǵalaý úshin Jetisý oblystyq prokýratýrasyna jiberildi», delingen Taldyqorǵan qalalyq sotynyń habarlamasynda.
Málim bolǵandaı, Serik Kúdebaevqa halyqaralyq izdeý jarııalandy.
