«Eń tómengi jalaqyny anyqtaýdyń jańa ádistemesin ázirleý boıynsha jumystar aıaqtalyp jatyr. Qazirgi ýaqytta mınıstrlik Dúnıejúzilik bank sarapshylarymen birlesip, eń tómengi jalaqy mólsherin anyqtaý ádistemesi jobasyn daıyndady», dedi T. Dúısenova Úkimet otyrysynda.
Onyń aıtýynsha, eń tómengi jalaqy mólsheri ortasha jalaqy men eńbek ónimdiligine qaraı belgilenedi.
«Bul tásil qyzmetkerlerdiń kirisi men óndirilgen taýarlar, jumystar men qyzmetter kólemi arasyndaǵy naqty baılanysty ornatýǵa múmkindik beredi. Búginde ádisteme jobasy múddeli memlekettik organdar jáne áleýmettik seriktestermen kelisilip jatyr», dedi Tamara Dúısenova.
Ol 2023 jyldyń 1 shildesine deıin Eńbek kodeksine ádistemeni zańnamalyq turǵydan bekitý boıynsha tıisti túzetýler ázirlenetinin aıtty.
