Erbol Qarashókeev 1976 jyly Almaty oblysynda dúnıege kelgen. Ál-Farabı atyndaǵy Qazaq memlekettik ulttyq ýnıversıtetin, Qazirgi zaman gýmanıtarlyq ınstıtýtyn bitirgen.
Mamandyǵy boıynsha biliktiligi — ekonomıst, ekonomıka magıstri, quqyqtaný bakalavry, bakalavr akademııalyq dárejesi berilgen menedjment salasynyń mamany.
Eńbek jolyn 1998 jyly QR Statıstıka agenttiginiń Taldaý jáne konıýnktýralyq zertteýler basqarmasynyń bas mamany bolyp bastaǵan, 1999 – 2001 jyldary QR Prezıdenti Ákimshiliginiń Áleýmettik-ekonomıkalyq taldaý bóliminiń konsýltanty boldy.
2001 jyldan 2003 jylǵa deıin kommersııalyq uıymdarda basshylyq laýazymdar atqardy.
2003-2006 jyldary «Eksporttyq nesıeler men ınvestısııalardy saqtandyrý jónindegi memlekettik saqtandyrý korporasııasy» AQ Qarjy departamentiniń dırektory-Basqarma múshesi.
2006-2007 jyldary QR Qarjy mınıstrliginiń jıyntyq-taldaý departamentiniń dırektory.
2007 jylǵy qańtar-shilde aralyǵynda «QazAgro» Ulttyq basqarýshy holdıngi» AQ Basqarýshy dırektory.
2007-2009 jyldary «Aýyl sharýashylyǵyn qarjylaı qoldaý qory» AQ Basqarma tóraǵasy.
2010-2012 jyldary respýblıkalyq bıýdjettiń atqarylýyn baqylaý jónindegi esep komıtetiniń «Qarjylyq buzýshylyqtardy zertteý ortalyǵy» RMK dırektory.
2012 jyldan 2013 jylǵa deıin «QBTÝ munaı-gaz ınjınırıngi jáne aqparattyq tehnologııalar ınstıtýty» JShS Bas dırektory.
2013-2016 jyldary «Qazaqstannyń turǵyn úı qurylys jınaq banki» AQ Basqarma tóraǵasynyń orynbasary.
2016-2019 jyldary QR Prezıdenti Ákimshiliginiń Áleýmettik-ekonomıkalyq monıtorıng bólimi meńgerýshisiniń orynbasary.
2019 jyldyń qańtar-sáýir aılary aralyǵynda QR Qarjy mınıstrligi Qazynashylyq komıtetiniń tóraǵasy.
2019 jyldyń sáýirinen 2021 jyldyń naýryzyna deıin «QazAgro» Holdıngi» AQ Basqarma tóraǵasy.
2021 jyldyń sáýir-shilde aralyǵynda QR Qarjy vıse-mınıstri.
2021 jylǵy shildeden bastap – QR Aýyl sharýashylyǵy vıse – mınıstri - mınıstriniń mindetterin atqarýshy.
2021 jylǵy 1 qyrkúıekten bastap Qazaqstan Respýblıkasynyń Aýyl sharýashylyǵy mınıstri bolyp taǵaıyndaldy.
